تعهد «دوشنبه» به جمع کردن بساط مخالفان طالبان در تاجیکستان
چنان چه «دوشنبه» به تعهدی که روز گذشته داده است، پایبند باشد، دیدار والی بلخ که خود از مقامات عالی رتبه طالبان است با وزیر اطلاعات تاجیکستان، می تواند سرآغاز پایان رؤیای مخالفان طالبان برای داشتن محلی برای فعالیت های آنان در همسایگی افغانستان باشد.
روز گذشته هیتی از مقامات طالبان به سرپرستی محمدیوسف وفا، والی بلخ، به دعوت رسمی حکومت تاجیکستان به «دوشنبه» سفر کرده و با مقامات علی این کشور از جمله وزیر اطلاعات این کشور، گفتگوهای مهمی انجام داده است.
«رادیو حریت» از رسانه‌های طالبان در گزارشی از نشست والی بلخ و وزیر اطلاعات تاجیکستان نوشت سید مؤمن ستاراویچ یتیموف، وزیر اطلاعات تاجیکستان در دیدار با یوسف وفا، به جانب افغانستان اطمینان داد که تاجیکستان به گروه‌های بدخواهی که در صدد بی‌ثبات کردن افغانستان هستند، پناه نخواهد داد و هیچ‌گونه فعالیت مغرضانه‌ای از خاک این کشور علیه افغانستان انجام نخواهد شد
گزارش افزوده است والی بلخ نیز در این دیدار بر گسترش همکاری‌های دوجانبه بر پایه منافع ملی تأکید کرد و گفت: «ناامنی در افغانستان به سود هیچ کشوری نیست و اجازه نخواهیم داد از خاک کشور علیه دیگران استفاده شود».
چنان چه «دوشنبه» به تعهدی که روز گذشته داده است، پایبند باشد، دیدار والی بلخ که خود از مقامات عالی‌رتبه طالبان است با وزیر اطلاعات تاجیکستان، می‌تواند سرآغاز پایان رؤیای مخالفان طالبان برای داشتن محلی برای فعالیت‌های آنان در همسایگی افغانستان باشد.
- منبع: خبرگزاری افغان ایرکا
- لینک کوتاه