کمیته امنیت ملی تاجیکستان پس از کشته‌ شدن دو مرزبان این کشور در درگیری با «تروریست‌های نفوذی از خاک افغانستان»، از طالبان خواست تا به‌دلیل ناتوانی در تأمین امنیت مرزها از مردم تاجیکستان عذرخواهی کند.

این کمیته در بیانیه‌ای اعلام کرد: «طالبان در انجام تعهدات بین‌المللی و وعده‌های مداوم خود برای تأمین امنیت و ثبات در مرز با جمهوری تاجیکستان و مبارزه با اعضای سازمان‌های تروریستی، بی‌مسؤولیتی جدی و مکرر کرده‌ است.»

کمیته امنیت ملی تاجیکستان تاکید کرد که امیدوار است اداره طالبان از مردم این کشور عذرخواهی کند و برای تأمین امنیت مرزهای مشترک و جلوگیری از تکرار چنین رویدادهایی اقدام فوری انجام دهد.

به گفته مقام‌های تاجیک، این درگیری روز چهارشنبه سوم جدی در مرز افغانستان و تاجیکستان رخ داده و در نتیجه آن دو مرزبان تاجیک و سه عضو یک گروه تروریستی کشته شده‌اند.