• پنج شنبه, 09 حمل 1403
    خبرگزاری افغان ایرکا

امامعلی رحمان با کسب 90 درصد آرا پیروز انتخابات ریاست جمهوری تاجیکستان اعلام شد

امامعلی رحمان با کسب 90 درصد آرا پیروز انتخابات ریاست جمهوری تاجیکستان اعلام شد

به نقل از رویترز، کمیسیون مرکزی انتخابات تاجیکستان روز دوشنبه اعلام کرد امامعلی رحمان با کسب 90 درصد آرای واجدین شرایط، بار دیگر به عنوان رئیس‌جمهور این کشور انتخاب شد.

انتخابات ریاست جمهوری تاجیکستان روز یکشنبه برگزار شد و به گفته کمیسیون مرکزی انتخابات، بیش از 85 درصد از افراد واجد شرایط در آن شرکت کردند.

رحمان با پیروزی در انتخاباتی که گروه‌های مخالف آن را تحریم کرده بودند به مدت هفت سال دیگر زمام قدرت را در این کشور در دست خواهد داشت. او سه دهه است که بر تاجیکستان حکومت می‌کند.

رای‌گیری انتخابات ریاست‌جمهوری تاجیکستان از ساعت شش صبح روز یکشنبه به وقت محلی در 3375 شعبه آغاز شد و حدود پنج میلیون رای‌دهنده واجد شرایط به پای صندوق‌های رای آمدند.

مسئولان با برگزاری کنسرت، پخش غذای رایگان و دیگر سرگرمی‌ها کوشیدند رای‌دهندگان را به پای صندوق‌ها بکشانند.

امامعلی رحمان 68 ساله از سال 1992 با فروپاشی اتحاد جماهیر شوروی قدرت را در تاجیکستان در دست گرفته و در غیاب رقیبی قابل توجه، برای هفت سال دیگر پست ریاست‌جمهوری را در اختیار گرفت.

  پربازدید ترین