• پنج شنبه, 09 حمل 1403
    خبرگزاری افغان ایرکا

مکتب های افغان-ترک هرات به وزارت معارف واگذار شد

مکتب های افغان-ترک هرات به وزارت معارف واگذار شد

مکتب‌های افغان-ترک در هرات به وزارت معارف سپرده شدند. این مکتب‌ها امروز به گونۀ رسمی از سوی معین وزارت معارف ترکیه به وزارت معارف افغانستان واگذار شد.

رهادنه مچ، معین وزارت معارف ترکیه می‌گوید، انتقال مکتب‌های افغان-ترک به وزارت معارف افغانستان روابط میان دو کشور را مستحکم‌تر می‌سازد.

آقای مچ می‌گوید، تمام مکتب‌های افغان-ترک در افغانستان بازسازی و نوسازی خواهند شد و بهترین معلمان کارکشتۀ ترکی برای آموزش کودکان افغان در این مکتب‌ها گماشته می‌شوند.

به گفتۀ معین وزارت معارف ترکیه در حال حاضر، حدود 3 هزار دانش‌آموز افغان در مکتب‌های افغان-ترک سرگرم آموزش‌اند و تا چند سال آینده این رقم به 18 هزار تن خواهد رسید.

میرویس بلخی، سرپرست وزارت معارف کشور در این برنامه می‌گوید، بربنیاد تفاهم‌نامه‌یی که میان وزارت‌های معارف افغانستان و ترکیه صورت گرفته، قرار است تمام مکتب‌های افغان-ترک با تجهیزات و امکانات پیشرفته مجهز شوند و 20 درصد دانش‌آموزان در این مکتب‌ها به گونۀ رایگان آموزش ببینند.

سرپرست وزارت معارف کشور می‌گوید، بر بنیاد این تفاهم‌نامه تا چند سال آینده شمار مکتب‌های افغان-ترک در افغانستان از 12 مکتب به 28 مکتب نیز افزایش خواهد یافت.

در حال حاضر مکتب‌های افغان-ترک در افغانستان در ولایت‌های کابل، هرات، بلخ، کندهار، ننگرهار و جوزجان فعالیت دارند.

  پربازدید ترین