Share/Save/Bookmark

کد مطلب :61547
تاریخ انتشار : يکشنبه 12 وری 1397 ساعت : 19:34:01

د فلسطین حماس ډلې اسرائیلو ته خبرداری ورکړ

په فلسطین کې د حماس وسله والې ډلې اسرائيلو ته خبرداری ورکړی، چې د فلسطینیانو د وینې بدل به خامخا اخلي.

فلسطینیانو د تیرې جمعې په ورځ په ټول فلسطین کې د اسرائیلو غاصب دولت پرضد د «ځمکې د ورځې» په مناسبت د « بیرته ستنېدو» تر عنوان لاندې پراخ لاریونونه وکړل، چې د اسرائیلو پولیسو لخوا ورباندې ناتاره ګولۍ وه ویشتل شوې.

په دغو لاریونونو کې د اسرائیلي ځواکونو په ډزو کې ۱۷ تنه فلسطینیان وژل شوي او ۱۶۰۰ تنه نور ټپیان وو.

د حماس د مقاومت اسلامي غورځنګ د وژل شوو فلسطینیانو د خښولو په مراسمو کې اسرائیلو ته ګواښ کړی چې د فلسطینیانو وینه به بې ځایه ولاړه نه شي او اسرائیل به د خپل دغه عمل دروند قیمت پرېکوي.

دا په داسې حال کې ده، چې د اروپايي ټولنې په ګډون ګڼو عربي او اسلامي هېوادونو د جمعې په ورځ په سوله ییزو فلسطیني لاریونوالو د اسرائیلي ځواکونو ډزې او بریدونه غندلي او دا کار یې د نړیوالو قوانینو او دیموکراتیکي اصولو ضد عمل بللی دی.


  د افغان ایرکا خبري اژانس

• اړوند خبرونه:

• ستاسو آندونه

  • ستاسو را لیږل شوي آندونه او پيغامونه د افغان ایرکا خبر راټولونې له تائید وروسته په ویبسایټ کې خپریږي
  • د تور او تهمت پيغامونه نه خپریږي
  • هغه پیغامونه چې په پښتو او دري ژبه نه وي یا په خبر پورې اړونده نه وي، نه خپریږي.