Share/Save/Bookmark

کد مطلب :61979
تاریخ انتشار : دوشنبه 24 غوایی 1397 ساعت : 13:00:59

نن له تلابیب څخه د امریکا سفارت رسماً بیت المقدس ته لیږدول کیږي

د نړۍ د غوڅ اکثریت هیوادونو له مخالفتونو سره سره ټاکل شوې ده نن رسماً په اسرایلو کې د امریکا سفارت له تلابیب څخه بیت المقدس ته ولیږدول شي، چې په دې سره به د امریکا له خوا د مسلمانانو لومړۍ قبله بیت المقدس په رسمي توګه د اسرائلو دیهودي رژیم دپلازمینې په توګه ومنل شي.

په دې مراسمو کې چې څو شیبې وروسته پیل کیږي، امریکایي ولسمشر دونالد ټرمپ شتون نه لري، خو د هغه لور ایوانکا ټرمپ او د هغه یهودي زوم جرادکوشنر ،د مالیې وزیر استیو منوچین او د بهرنیو چارو مرستیال وزیر جان سولیوان ګډون کوي.

د امریکا له دې پریکړې اسرایلي لومړي وزیر بنیامین نتنیاهو ګرم هرکلی کړی خو د فلسطیني ادارې مشر محمود عباس بیا په سختو ټکو غندلی دی.
امریکایي ولسمشر دونالد ټرمپ د ۲۰۱۷ کال د دسمبر په ۶ اعلان وکړ چې بیت المقدس د اسرایلو د پلازمینې په توګه رسماً مني.
د هغه دا پریکړه په پراخه کچه وغندل شوه او د نړۍ میلیونونو مسلمانانو یې پرضد لاریونونه وکړل.
دا پریکړه د ملګرو ملتونو د امنیت شورا او د ملګرو ملتونو په عمومي غونډه کې هم وغندل شوه.


  د افغان ایرکا خبري اژانس

• اړوند خبرونه:

• ستاسو آندونه

  • ستاسو را لیږل شوي آندونه او پيغامونه د افغان ایرکا خبر راټولونې له تائید وروسته په ویبسایټ کې خپریږي
  • د تور او تهمت پيغامونه نه خپریږي
  • هغه پیغامونه چې په پښتو او دري ژبه نه وي یا په خبر پورې اړونده نه وي، نه خپریږي.