Share/Save/Bookmark

کد مطلب :62056
تاریخ انتشار : چهار شنبه 2 غبرګولی 1397 ساعت : 15:40:09

د بریتانیا دفاع وزیر: موږ باید له طالبانو سره مخامخ مذاکرات وکړو

په داسې حال کې چې بریتانیا افغانستان د تازه دمو ځواکونو د لیږلو اعلان کړی او په ورته وخت کې افغان جګړه هم تر بل هر وخت تونده شوې، بریتانوي دفاع وزیر ګاویلماسون ویلي چې د روان تشنج دختمولو لپاره باید دوی له طالبانو سره مخامخ وغږیږي او د سرتیرو استول ستونزه نه حل کوي.

نوموړي چې تیره ورځ د خپل هیواد د پارلمان د دفاعي کمیټې په ناسته کې خبرې کولې وویل؛ طالبانو ته د افغانستان د ګډحکومت له وروستي وړاندیز څخه ملاتړ کوو خو باید موږ یوه اوږدمهالې حل لاره پیدا کړو او د جګړې ټول ښکیل اړخونه په یوه میز را جمع کړو.

د بریتانیا ټلګراف ورځپاڼه د ویلیامسون له قوله وایي “ بریتانیا مجبوره ده تر څو د سر تاسري سولې د راتګ په خاطر له طالبانو سره مذاکرات پیل کړي“

طالبانو تل ټینګار کړی چې د کابل اوسنۍ اداره نامشروع او بې واکه ده او ویلي یې دي چې دوی غواړي د جګړې له اصلي لوري سره چې امریکا ده خبرې وکړي.

په دې وروستیو کې د ملي یووالي حکومت طالبانو ته د یو شمیر امتیازونو په منلو سره د سولې وړاندیز وکړ، چې طالبانو نه رد او نه هم تائید کړ.
د سولې عالي شورا ویاند احسان طاهري وایي؛ طالبان باید له افغان حکومت سره خبرو ته کیني او نور دولتونه نه شي کولی د افغان حکومت استازيتوب وکړي.

باید وویل شي چې دا لومړی ځل دی چې په افغان جګړه کې دوهمه درجه ښکیل هیواد له طالبانو سره د مذاکراتو وړاندیز کوي.


  د افغان ایرکا خبري آژانس

• اړوند خبرونه:

• ستاسو آندونه

  • ستاسو را لیږل شوي آندونه او پيغامونه د افغان ایرکا خبر راټولونې له تائید وروسته په ویبسایټ کې خپریږي
  • د تور او تهمت پيغامونه نه خپریږي
  • هغه پیغامونه چې په پښتو او دري ژبه نه وي یا په خبر پورې اړونده نه وي، نه خپریږي.