Share/Save/Bookmark

کد مطلب :62334
تاریخ انتشار : يکشنبه 3 چنګاښ 1397 ساعت : 11:34:37

د ترکیې ولسمشرۍ او پارلمان لپاره د ټاکنو بهیر پیل شو

ښاغلي اردوغان په خپله وغوښتل چې لنډ وخت کې ټاکنې ترسره شي، خو اوس‎مهال سیالان یې هڅه کوي تر څو وروسته له ۱۵ کلونو نوموړی له واکه لیري کړي او په ټاکنو کې دوی بریالي شي

په ترکیه کې نن(یکشنبې د چنګاښ ۲مه) د دې هېواد ولسمشرۍ او پارلمان غړو ټاکنو لپاره د رایو ورکړې بهیر پیل شو.

په دې ټاکنو کې د ولسمشر رجب طیب اردوغان پر وړاندې پنځه سیالان ولاړ دي او ورته یې د بریا موکه کمه کړې ده. دا ټاکنې د اردغان پنځلس کلنو کړنو په  اړه یوه ټول پوښتنه هم بلل کېږي.

د ترکیې خلک د ولسمشر ترڅنګ د پارلمان ۶۰۰غړو ته هم رایه ورکوي.

وروسته له ۱۵ کلنو د دې هېواد ولسمشر، رجب طیب اردوغان واک له بندون سره د مخ کېدو په حال کې دی او سیالان یې د سختې سیالۍ په هڅه کې دي‎، د نوموړي پر وړاندې درېیو لویو او یو شمېر کوچنیو ګوندونو استازو ځانونه نوماند کړي دي.

ښاغلي اردوغان په خپله وغوښتل چې لنډ وخت کې ټاکنې ترسره شي، خو اوس‎مهال سیالان یې هڅه کوي تر څو وروسته له ۱۵ کلونو نوموړی له واکه لیري کړي او په ټاکنو کې دوی بریالي شي.

داسې ویل کېږي چې د لومړي ځل لپاره د ولسمشر اردوغان پر وړاندې سیالان یې سره یو شوي دي، او هڅه یې د نوموړي له واکه په شا کول دي.

په دې ترځ کې ، اقتصادي وضعیت، په سوریه کې د ترکیې جګړه، له رسنیو سره د اردوغان د حکومت چلند او له لویدیځ سره یې اړیکې د رایو ورکولو له مهمو موضوعګانو شمیرل کیږي.


  د افغان ایرکا خبري اژانس

• اړوند خبرونه:

• ستاسو آندونه

  • ستاسو را لیږل شوي آندونه او پيغامونه د افغان ایرکا خبر راټولونې له تائید وروسته په ویبسایټ کې خپریږي
  • د تور او تهمت پيغامونه نه خپریږي
  • هغه پیغامونه چې په پښتو او دري ژبه نه وي یا په خبر پورې اړونده نه وي، نه خپریږي.