Share/Save/Bookmark

کد مطلب :62538
تاریخ انتشار : سه شنبه 2 زمری 1397 ساعت : 15:42:55

د تکواندو افغان لوبغاړو د سرو زرو او برنزو څلور مډالونه ګټلي

د افغانستان د تکواندو ملي لوبغاړو په کوریا کې د (کوریا اوپن) د تکواندو په ازادو سیالیو کې دوه د سرو زرو او دوه د ژېړو (برنزو) مډالونه ګټلي دي.

د افغانستان د تکواندو فدراسیون چارواکي وایي، نثار احمد عبدالرحیم زي او فرزاد منصوري د کوریا اوپن تکواندو لوبو په فاینل کې د سرو زرو مډالونه ترلاسه کړي دي.

چارواکي زیاتوي، چې افغان تکواندو لوبغاړي نثار احمد عبدالرحیم زي خپل امریکایي حریف ته ماتې ورکړه او د سرو زرو یو مډال یې وګاټه.

د تکواندو فډراسیون چاراکو په وینا، فرزاد منصوري هم د خپلو قزاقستاني، اوکرایني، او ټایلنډي سیالانو په وړاندې ښه وځلېد او د سرو زرو یو مډال یې خپل کړ.

په دغو سیالیو کې محسن رضایي او رامش حسیني د ژېړو یا برنزو مډالونه ترلاسه کړل.

غه نړیوالې سیالۍ د جنوبي کوریا په کوربه توب په جیجو ټاپو کې جوړه شوې وه او په کې د شاوخوا شپېتو هېوادونو د ۲۶۰۰ لوبغاړو  برخه اخیستې وه.

د کوریا اوپن تکواندو درې ورځنۍ سیالي پرون ماښام پای ته ورسېدې.


  د افغان ایرکا خبري اژانس

• اړوند خبرونه:

• ستاسو آندونه

  • ستاسو را لیږل شوي آندونه او پيغامونه د افغان ایرکا خبر راټولونې له تائید وروسته په ویبسایټ کې خپریږي
  • د تور او تهمت پيغامونه نه خپریږي
  • هغه پیغامونه چې په پښتو او دري ژبه نه وي یا په خبر پورې اړونده نه وي، نه خپریږي.