Share/Save/Bookmark

کد مطلب :62873
تاریخ انتشار : چهار شنبه 28 وږی 1397 ساعت : 19:24:51

پاکستان: محکمې د نواز شريف، لور او زم د خوشې کولو امر کړی

د پاکستان سترې محکمې د هغه هېواد د پخواني زنداني لومړي وزير نوازشريف ، د هغه د لور مريم نواز او زوم صدر حسين د خوشې کولو امر کړی دی.

نن د چهارشنبې په ورځ د پاکستان په پلازمينه اسلام اباد کې د سترې محکمې قاضي اطهر من الله امر وکړ چې نوازشريف، مریم نواز او صفدر دې د پنځه، پنځه لکه روپيو په ضمانت له زندانه خوشې کړای شي.

پر نواز شريف تور دی چې له هېواده بهر ناقانونه ملکیتونه لري او د فساد له کبله نوموړي ته لس کاله، لور ته يې اووه کاله، زوم ته يې يو کال سزا اورول شوې وه چې یاد درېيواړه کسان دا مهال د پنډۍ په اډياله زندان کې بنديان دي.

د مسلم لیګ نواز ډلې مشرتابه غړی احسن اقبال رسنيو ته وويل، د شريف په اړه شوې فيصله انتقامي وه او د دې لپاره زنداني شو چې عمران خان د وزيراعظمۍ څوکۍ کې بريا ترلاسه کړي.

له بله پلوه د تحريک انصاف ګوند غړی فیصل جاويد وايي، د نواز شريف، لور او زوم په اړه يې سزاګانې يواځې ځنډول شوي د هغوی په اړه به دوسيه روانه وي، ښايي بيا زندان ته ولېږل شي.


  د افغان ایرکا خبري اژانس

• اړوند خبرونه:

• ستاسو آندونه

  • ستاسو را لیږل شوي آندونه او پيغامونه د افغان ایرکا خبر راټولونې له تائید وروسته په ویبسایټ کې خپریږي
  • د تور او تهمت پيغامونه نه خپریږي
  • هغه پیغامونه چې په پښتو او دري ژبه نه وي یا په خبر پورې اړونده نه وي، نه خپریږي.