Share/Save/Bookmark

کد مطلب :62973
تاریخ انتشار : پنج شنبه 19 تله 1397 ساعت : 13:44:00

د خاشقجي د قتل لپاره له هوائي ډګر نه تر کنسولګرۍ د سعودي د قاتلانه ټيم حرکت

د پټو کېمرو يا CCTV فېلم کښې چې رسنيو خپور کړے دے له الوتکې څخه د سعودي د پينځلس کسيز ټيم د پياده کېدو له شېبې نه په استنبول کښې د سعودي د کنسولګرۍ ودانۍ ته تر ننوتو پورې صحنې په آل سعود باندې د نيوکه کونکي جرنلېسټ جمال خاشقجي د ادعائي قتل لپاره د پلان ښودنه کوي.

په آل سعود باندې نيوکه کونکے جرنلېسټ جمال خاشقجي د اکتوبر د روانې مياشتې له دويمې ڼېټې څخه په ترکيې کښې د سعودي کنسولګرۍ ته له ننوتلو وروسته بې درکه شو او زياترو خبري سرچينو ادعا کړې ده چې هغه  له آل سعود سره د وابسته عواملو په لاس قتل شوے دے.

د العالم خبري چېنل د رپوټ له مخې پرون د پينځلس تنو سعوديانو تصويرونه خپارۀ شول چې د ترکيې په استنبول کښې د سعودي کنسولګرۍ ته د خاشقجي له ننوتلو نه يوه ګېنټه وروسته دغې ودانۍ ته ننوتل د خاشقجي له ننوتلو نه درې ګېنټې وروسته ترې بهر وتلي دي.

رسانه اي فعالان د دغو پينځلسو تنو د هويت په څېړلو سره دې نتيجې ته رسېدلي دي چې له هغوي څخه زياتره له آل سعود رژيم او د سعودي له وليعهد محمد بن سلمان سره وابسته کسان دي.

له بلې خوا د ترکيې پوليسو اعلان وکړ چې له دغو پينځلسو کسانو څخه يې اته کسان پېژندلي دي.

د شين هوا د رپوټ له مخې د ترکيې پوليسو د اتو تنو تورنو سعوديانو مشخصات خپارۀ کړل  چې په هغو کښې څو تنه رسمي چارواکي دي، البته د دغو کسانو نومونه يې نه دي خپارۀ کړي. خود رسنيو له مخې

له هغوي څخه يو محمد سعد الزهراني نوميږي چې د بن سلمان يو خاص محافظ دے او له دې مخکې له بن سلمان سره په يو تصوير کښې ليدل شوے دے او داسې ښکاري چې د سلطنتي ګارډ يو غړے دے.

د ترکيې ولسمشر اردوغان هم ويلي چې موننږ د داسې يوې مهمې پېښې په وړاندې غلي نه شوو کښېناستېدې.

د خاشقچي مړے په مُثله شوي حالت کښې او د شکنجې له زياتو آثارو سره په استنبول کښې د سعودي کنسولګرۍ ته له ننوتلو نه پينځه ورځې وروسته وموندې شو. خاشقجي د آل سعود رژيم لخوا د نيونکو او تعقيب لاندې کسانو په لېسټ کښې شامل ؤ چې هغه د نيول کېدو له ويرې له سعودي نه په بهر کښې ژوند کوۀ.

له بلې خوا د سعودي د علماو کمېټۍ د سعودي جرنلېسټ او ليکوال تښتول او وژل يو وحشيانه جنايت وبلۀ چې د دينونو او مدهبونو د ټولو ارزښتونو او ټولو نړيوالو منل شويو اصولو خلاف چاره ده.

د سعودي د علماو کمېټۍ له عالمانو، ديني پوهانو او ليکوالانو وغوښتل چې له هغو کسانو څخه دې چې د زمانې د طاغوت په مقابل کښې حق خبره کوي ملاتړ وکړي.


  د افغان ایرکا خبري اژانس

• اړوند خبرونه:

• ستاسو آندونه

  • ستاسو را لیږل شوي آندونه او پيغامونه د افغان ایرکا خبر راټولونې له تائید وروسته په ویبسایټ کې خپریږي
  • د تور او تهمت پيغامونه نه خپریږي
  • هغه پیغامونه چې په پښتو او دري ژبه نه وي یا په خبر پورې اړونده نه وي، نه خپریږي.