Share/Save/Bookmark

کد مطلب :63029
تاریخ انتشار : جمعه 4 لړم 1397 ساعت : 19:33:53

د افغانستان د فوټبال غوره لیګ اتلولي طوفان هریرود لوبډلې وګټله

د افغانستان د فوټبال غوره لیګ سیالیو پایلوبه پرون ماښام د طوفان هریرود او شاهین آسمایي لوبډلو ترمنځ ترسره شوه چې په پایله کې یې د طوفان هریرود دغه لوبه د ۱-۰ ګول په توپیر وګټله او د سیالیو اتلولي یې خپله کړه.

د پایلولې لومړی نیمایي پرته له کوم ګول پای ته رسېده او په دویمه نیمایي هم هېڅ لوبډله ونتوانېده چې کوم ګول وکړي، له همدې امله یې لوبه اضافي وخت ته ولاړه.

خو د لوبې په ۱۰۲مه دقیقه کې د طوفان هریرود لوبغاړي رحمت الله خیرخواه ګول وکړ او خپله لوبډله یې مخته کړه.

په ځواب کې د شاهین آسمایي لوبډله ونتوانېده چې په اضافي وخت کې یې کوم ګول وکړي او له دې سره یې د طوفان هریرود لوبډلې د غوره سیالیو پایلوبه وګټله.

دا دویم ځل دی چې د طوفان هریرود لوبډلې د افغانسان د فوټبال غوره لیګ سیالیو اتلولي ګټي خو د شاهین آسمایي لوبډلې تر اوسه څلور ځله د غوره لیګ سیالیو اتلولي ګټلې ده.


  د افغان ایرکا خبري اژانس

• اړوند خبرونه:

• ستاسو آندونه

  • ستاسو را لیږل شوي آندونه او پيغامونه د افغان ایرکا خبر راټولونې له تائید وروسته په ویبسایټ کې خپریږي
  • د تور او تهمت پيغامونه نه خپریږي
  • هغه پیغامونه چې په پښتو او دري ژبه نه وي یا په خبر پورې اړونده نه وي، نه خپریږي.