Share/Save/Bookmark

کد مطلب :63044
تاریخ انتشار : يکشنبه 6 لړم 1397 ساعت : 23:44:38

محمود قريشي: افغانستان دې پر پاکستان د تورونو لړۍ بنده کړي

د پاکستان د بهرنيو چارو وزير محمود قريشي ويلي، چې افغانستان دې پر پاکستان د تورونو لګولو لړۍ بنده کړي.

قريشي وروسته له هغه دغه څرګندونې کړي چې ولسمشر غني کندهار ته د سفر پر مهال تور پورې کړی و چې د وژل شوي امنيه قومندان رازق د ترور پلان په پاکستان کې جوړ شوی او هغه هېواد له وسله والو سره مرسته کوي.

خو محمود قريشي ويلي، پاکستان په سيمه کې د سولې غوښتونکی دی په وينا يې افغان چارواکي دې پر دغه هېواد د تورونو لوبه پای ته ورسوي.

قريشي زياتوي، پر ځای د دې چې د کندهار پېښه کې پاکستان ګرم وبلل شي افغان چارواکي دې وپلټي چې څه ډول يو وسله وال دومره حساس ځای ته ځان رسولی دی.

تر دې مخکې د امريکا د بهرنيو چارو وزير مایک پامپيو او افغان چارواکو په تکرار سره پر پاکستان تور پورې کړی يې چې د وسله والو ملاتړ کوي او پر خپله خاوره يې ځای ورکړی خو پاکستان دغه تورونه ردوي.

وړمه ورځ د پاکستان د بهرنيو چارو وزير په يوه غير رسمي وينا کې ويلي و چې دا به مناسبه نه وي چې وويل شي پاکستان به په افغانستان کې هرڅه وکړي زياته يې کړه چې “طالبان زمونږ په جیبونو کې نه دي”.


  د افغان ایرکا خبري اژانس

• اړوند خبرونه:

• ستاسو آندونه

  • ستاسو را لیږل شوي آندونه او پيغامونه د افغان ایرکا خبر راټولونې له تائید وروسته په ویبسایټ کې خپریږي
  • د تور او تهمت پيغامونه نه خپریږي
  • هغه پیغامونه چې په پښتو او دري ژبه نه وي یا په خبر پورې اړونده نه وي، نه خپریږي.