Share/Save/Bookmark

کد مطلب :63173
تاریخ انتشار : چهار شنبه 14 لیندۍ 1397 ساعت : 10:13:28

زلمي خلیلزاد د پاکستان له حکومتي او پوځي چارواکو سره وکتل

د افغانستان د سولې لپاره د امریکا د بهرنیو چارو وزارت ځانګړی استازی زلمي خلیلزاد اسلام اباد ته د خپل سفر په ترڅ کې د پاکستان له حکومتي او پوځي چارواکو سره وکتل.

د پاکستان د بهرنیو چارو وزارت ویاند ډاکټر محمد فیصل وایي، ښاغلي خلیلزاد د پاکستان له بهرنیو چارو وزیر ښاغلي شاه محمود قریشي سره وکتل او په ترڅ کې یې د ولسمشر ټرمپ دا خبره بیا تکرار کړه چې پاکستان باید د افغانستان د سولې له پروسې سره همکاري وکړي.

نوموړی زیاته کړه، چې ښاغلي قریشي د امریکا ځانګړی استازی ته ډاډ ورکړ چې اسلام اباد به په افغانستان کې له طالبانو سره د خبرو اترو له لارې سولې ته د رسېدو ملاتړ وکړي.

د ډاکټر فیصل په وینا، د امریکا ځانګړی استازی زلمي خلیلزاد اسلام اباد ته د خپل سفر په ترڅ کې د بهرنیو چارو وزارت له مرستیالې تهمینه جنجوا سره هم وکتل.

هغه زیاته کړه، چې په دغه کتنه کې د دواړو هېوادونو ډیپلوماټانو، امنیتي او دفاعي چارواکو هم حضور درلود او دواړو لورو د افغانستان د سولې په اړه بحث او خبرې وکړې.


  د افغان ایرکا خبري اژانس

• اړوند خبرونه:

• ستاسو آندونه

  • ستاسو را لیږل شوي آندونه او پيغامونه د افغان ایرکا خبر راټولونې له تائید وروسته په ویبسایټ کې خپریږي
  • د تور او تهمت پيغامونه نه خپریږي
  • هغه پیغامونه چې په پښتو او دري ژبه نه وي یا په خبر پورې اړونده نه وي، نه خپریږي.