Share/Save/Bookmark

کد مطلب :63268
تاریخ انتشار : پنج شنبه 13 مرغومی 1397 ساعت : 23:26:49

د ولسمشرۍ لپاره احتمالي نوماند حنیف اتمر یونس قانوني او محقق خپل مرستیالان ټاکلي

سرچينې وايي چې د ولسمشرۍ ټاکنو لپاره احتمالي نوماند محمد حنيف اتمر خپل لومړی مرستيال يونس قانوني او دويم مرستيال محمد محقق ټاکلي دي.

د اتمر ټيم ته يوې نږدې سرچينې د مرغومي په ١٣مه پژواک ته وويل چې دوى د ټاکنو له کمېسيونه معلوماتي  کڅوړه ترلاسه کړې او ډېر ژر به نوم ليکنه هم وکړي.

سرچينې زياته کړې چې دوى د ولسمشرۍ لپاره له محمد يونس قانوني او محمد محقق سره خبرې کړې او هغوى ورسره منلې ده.

خو يادې سرچينې وويل، که چېرې په وروستيو مرحلو کې کوم بدلون راشي، په اړه يې څه نه شي ويلى، هغه به رهبري پرېکړه کوي.

د اتمر د ټيم وياند تواب غورځنګ پژواک اژانس سره په خبرو کې وويل، چې دا نه تاييدوي او نه يې ردوي، خو په دې اړه خبرې روانې دي.

ده زياته کړه : (( ډېر ژر به له يوه قوي ټيم سره د ولسمشرۍ ټاکنو لپاره نوم ليکنه وکړو.))

دا په داسې حال کې چې له پرون راهيسې په ټولنيزو شبکو کې داسې اوازې خپرې شوې وې چې محمد محقق د ولسمشرۍ ټاکنو د بل ټکټ (حکمتيار) د لومړي مرستيال په توګه ټاکل شوى دى.

خو د محقق په مشرۍ د وحدت اسلامي ډلې دفتر نن دغه اواز رد کړه.

د دغه ګوند له خوا په يوه خپره شوې خبرپاڼه کې راغلي چې دا تشه اوازه ده او دوى تر اوسه داسې کومه پرېکړه نه ده کړې.

په خبرپاڼه کې راغلي چې محقق به په راتلونکو څو ورځو کې د خپلې خوښې له يوه ټکټ سره يو ځاى شي.

خو په دې خبرپاڼه کې دا نه دي ويل شوي چې محقق د اتمر له ټيم سره يو ځاى شوى دى.

دا په داسې حال کې ده چې نن د ولسمشرۍ ټاکنو لپاره د نوماندانو نوم ليکنه په رسمي توګه پيل شوه او لطيف پدرام لومړى نومدان و چې ځان يې راجستر کړ.


  د افغان ایرکا خبري اژانس

• اړوند خبرونه:

• ستاسو آندونه

  • ستاسو را لیږل شوي آندونه او پيغامونه د افغان ایرکا خبر راټولونې له تائید وروسته په ویبسایټ کې خپریږي
  • د تور او تهمت پيغامونه نه خپریږي
  • هغه پیغامونه چې په پښتو او دري ژبه نه وي یا په خبر پورې اړونده نه وي، نه خپریږي.