Share/Save/Bookmark

کد مطلب :63269
تاریخ انتشار : پنج شنبه 13 مرغومی 1397 ساعت : 23:28:57

د بغلان ولایت او د هندوانو د حوزې د ولسي جرګې د ټاکنو لومړنۍ پایلې اعلان شوې

د ټاکنو خپلواک کمیسیون د ېوې اعلامېې له مخې نن پنجشنبه د بغلان ولایت او د هندوانو د حوزې د ولسې جرګې د ټاکنو لومړنۍ پایلې اعلان شوې دي.

د دغې اعلامیې له مخې د ټاکنو د خپلواک کمېسیون د پرېکړې پر بنسټ د ولسي جرګې په ټاکنو کې الحاج اسد الله شهباز د ۸۷۳۸ رایو، محمد عظیم محسنی د ۶۴۸۱ رایو، عتيق الله رامين د ۵۸۲۸ رایو، الحاج مامور احمد زی د ۵۵۰۸ رایو، ډاکټر محمد نسيم مدبر د ۴۸۹۵ رایو، الحاج استاد عبدالرزاق هاشمي د ۴۳۴۵ رایو، شکريه عيسی خيله د ۴۷۰۱ رایو او نوريه حميدي د ۲۷۷۵ رایو په ګټلو سره د بریالي نوماندانو په توګه اعلان شوي دي.

د دغې اعلامیې پر بنسټ د هندوانو له حوزې څخه نرندر سنګ خالصه په لومړنیو پایلو کې بریالی نوماند بلل شوی دی.

دا په داسې حال کې دی چې د ولسي جرګې د ټاکنو له ورځې تر دوو میاشتو ډېر وخت تیریږي خو تر اوسه لا د ټاکنو کمیسیون د ټولو پایلو په اعلان نه دی توانیدلی.

په ورته وخت کې د شکایاتو د اوریدو کمیسیون وایي چې د دې کمیسیون له پلټنې وروسته ټاکل شوې چې په وروستې لیست کې به د پام وړ بدلون راشي.


  د افغان ایرکا خبري اژانس

• اړوند خبرونه:

• ستاسو آندونه

  • ستاسو را لیږل شوي آندونه او پيغامونه د افغان ایرکا خبر راټولونې له تائید وروسته په ویبسایټ کې خپریږي
  • د تور او تهمت پيغامونه نه خپریږي
  • هغه پیغامونه چې په پښتو او دري ژبه نه وي یا په خبر پورې اړونده نه وي، نه خپریږي.