Share/Save/Bookmark

کد مطلب :63274
تاریخ انتشار : شنبه 15 مرغومی 1397 ساعت : 11:04:53

د افغانستان د ملي امنیت سلاکار وایي، له هندوستاني مقاماتو سره یې پر ارزښتمندو مسایلو ګټور بحثونه کړي دي

د افغانستان د ملي امنیت سلاکار حمدالله محب، په یوه ټویټر کې ویلي چې له هندوستاني چارواکو سره یې د سفر په لړ کې پر ارزښتمندو مسایلو ګټور بحثونه کړي دي.

 د ملي امنیت شورا له لوري د خبر پاڼې په خپرولو سره، د افغانستان او هندوستان د ملي امنیت سلاکارانو د لیدنې جزئیات په ډاګه شوي دي.

په دغو بیان کې ویل شوي دي چې، داکټر حمدالله محب دهیواد د ملي امنیت شورا سلاکار هندوستان ته د خپل سفر په لړ کې، د دغو هیواد د ملي امنیت شورا له سلاکار او نورو لوړ رتبه دولتي چارواکو سره، د افغانستان د اوسني امنیتي وضعیت، د افغانانو په مشرۍ او مالکیت د سولې د خبرو اترو د بهیر، د ولسي جرګې په ټاکنو او د ولسمشرۍ په را روانو انتخاباتو بحثونه کړي دي.

سرچینه زیاتوي په دغې لیدنه کې ښاغلي محب، په افغانستان کې د زیربنایي پروژو د پلې کولو او د امنیتي او دفاعي ځواکونو د روزني په عرصه کې د هندوستان  دولت له کړې همکارۍ څخه مننه کړې ده.

خبر پاڼه زیاتوي چې د هندوستان د ملي امنیت سلاکار اجیت دووال ډاډ ورکړی چې هندوستان به له افغانستان سره، له تروریزم سره د مبارزې، سیمه ییزې همکارۍ او د سترو اقتصادي او زیربنایي پروژو په عرصه کې خپلو مرستو دوام ورکړي.

خبر پاڼه لیکي چې په پای کې د افغانستان او هندوستان هیوادونو تر منځ د اړیکو او همکاریو د لا پرخیدا په موخه ښاغلي محب له خپل هندوستاني سیال څخه غوښتي چې افغانستان ته راشي.

خبر پاڼه زیاتوي چې د هندوستان د ملي امنیت سلاکار اجیت دووال د خپل افغان سیال بلنه هم منلې ده.


  د افغان ایرکا خبري اژانس

• اړوند خبرونه:

• ستاسو آندونه

  • ستاسو را لیږل شوي آندونه او پيغامونه د افغان ایرکا خبر راټولونې له تائید وروسته په ویبسایټ کې خپریږي
  • د تور او تهمت پيغامونه نه خپریږي
  • هغه پیغامونه چې په پښتو او دري ژبه نه وي یا په خبر پورې اړونده نه وي، نه خپریږي.