Share/Save/Bookmark

کد مطلب :63280
تاریخ انتشار : سه شنبه 18 مرغومی 1397 ساعت : 12:22:27

طالبانو ته، د دفاع وزارت د سرپرست اسدالله خالد، ګوت څنډنه

د افغانستان د ملي دفاع وزارت سرپرست اسدالله خالد وایي، که طالبانو له افغان حکومت سره سوله ونکړي و به ځپل شي.

پرون دوشنبه د مرغومي په ۱۷ د ملي دفاع وزارت سرپرست فاریاب ته تللی او په دغو ولایت کې یې د نورو سترو عملیاتو د ترسره کولو خبر ورکړی دی.

نوموړي زیاته کړې ده چې د فاریاب امنیت او په فاریاب ولایت کې د پراختیایي پروژو پلې کول د حکومت په لومړیتوب کې قرار لري.

د ښاغلي خالد په وینا” پر دښمن او د دښمن په سنګرونو تهاجمي او تعرضي عملیاتو هغوی ته درانه تلفات ور اړولي دي او دغه پیل کړي عملیات به ادامه ولري”.

د ملي دفاع وزارت سرپرست، د فاریاب ولسونو ته ډاد ورکړی چې د میمنې او اندخوی د لويي لاري امنیتي ستونزې به رفع کوي، نوموړي زیاته کړې ده چې پر دغې لاره د دښمن د کواښ د مخنیوي په پار سمه کړنلاره او کافي قوت ورسره شته، په هر قیمت چې وي د دې لارې په اوږدو کې به د دښمن ځالي له منځه وړي.

په ورته وخت کې ۲۰۹ شاهین قول اوردو خبر ورکړی چې د ملي دفاع سرپرست وزیر د خپل سفر په ترڅ کې د فاریاب له والي، نظامي چارواکو او د ملي اوردو له منسوبینو سره کتلي دي. دغه راز نوموړي په دې وروستیو کې د ملي اوردو د ځواکونو د عملیاتو په پایله کې دښمن ته د درنو تلفاتو د ور اوړولو او د هغوی د مهمو قوماندانو د وژلو یادونه کړې او د پام وړ لاسته راوړنه یې بللې ده.


  د افغان ایرکا خبري اژانس

• اړوند خبرونه:

• ستاسو آندونه

  • ستاسو را لیږل شوي آندونه او پيغامونه د افغان ایرکا خبر راټولونې له تائید وروسته په ویبسایټ کې خپریږي
  • د تور او تهمت پيغامونه نه خپریږي
  • هغه پیغامونه چې په پښتو او دري ژبه نه وي یا په خبر پورې اړونده نه وي، نه خپریږي.