Share/Save/Bookmark

کد مطلب :63323
تاریخ انتشار : چهار شنبه 3 سلواغه 1397 ساعت : 18:33:06

مصطفی ځاځی له مالیزیایي لوبډلې سره یوځای شو

د افغانستان د فوټبال فدراسیون د معلوماتو له مخې، د فوټبال ملي لوبډلې لوبغاړی مصطفی ځاځی به د راتلونکي ۱ کال لپاره له مالیزیایي فوټبال کلپ کلنټن سره سیالي وکړي.

مصطفی ځاځی ۲۵ کلن دی او د افغانستان فوټبال ملي لوبډلې ترڅنګ، تراوسه د ټایلنډ په لومړۍ لیکه فوټبال سیالیو کې د فرا یونایټېډ فوټبال کلپ لپاره لوبېږي.

د مالیزیا فوټبال لومړۍ لیکه سیالي د لومړي ځل لپاره په ۲۰۰۴ کال کې پیل شوې چې هر کال په‌کې د دغه هېواد د فوټبال ۱۲ مخکښ کلپونه سیالۍ وکړي.

د مالیزیا فوټبال لومړۍ لیکه سیالۍ هرکال په فېبروري میاشت کې پیلېږي او په اکټوبر میاشت کې د اتلې لوبډلې په اعلان سره پای ته رسېږي.

د یادونې ده چې مصطفی ځاځی د برید لیکې لوبغاړی دی او تراوسه یې د نورو کلپونو ترڅنګ، ۱۷ نړېوالې سیالۍ د افغانستان لپاره کړي او ۲ ګولونه یې هم په خپل نوم ثبت کړي دي.


  د افغان ایرکا خبري اژانس

• اړوند خبرونه:

• ستاسو آندونه

  • ستاسو را لیږل شوي آندونه او پيغامونه د افغان ایرکا خبر راټولونې له تائید وروسته په ویبسایټ کې خپریږي
  • د تور او تهمت پيغامونه نه خپریږي
  • هغه پیغامونه چې په پښتو او دري ژبه نه وي یا په خبر پورې اړونده نه وي، نه خپریږي.