Share/Save/Bookmark

کد مطلب :63386
تاریخ انتشار : پنج شنبه 25 سلواغه 1397 ساعت : 22:02:04

ناټو: د سولې تر بریا له افغان ځواکونو سره همکاري کوو

د ناټو سرمنشي ینس سټولټنبرګ په بروکسېل کې یوې غونډې ته وویل، ناټو په افغانستان کې له ترهګرۍ سره مبارزې او د سولې لپاره د اسانتیاوو برابرولو ته ژمنه ده.

سټولټنبرګ ټینګار وکړ چې دغه سازمان به په افغانستان کې سولې ته تر رسېدو له افغان ځواکونو سره خپلو همکاریو ته دوام ورکړي. نوموړي زیاته کړه، د افغان سولې روانې پروسې په اړه وخت په وخت مالومات ترلاسه کوي او د یادې پروسې ملاتړ کوي.

د ناټو سرمنشي ټینګار وکړ چې په روانو خبرو کې د افغان حکومت له اساسي رول پرته په افغانستان کې تلپاتې سولې ته رسېدل ناشوني دي.

ینس سټولټنبرګ د سولې په اړه د ولسمشر محمداشرف غني له طرحې د ملاتړ ترڅنګ، د پاکستان په اړه وویل، د افغانستان ګاونډیان باید په دې هېواد کې د سولې له روانې پروسې ملاتړ وکړي.

ټاکل شوې طالبان راتلونکې اوونۍ د امریکا له استازیو سره په اسلام‌اباد کې وګوري.

ینس سټولټنبرګ طالبانو ته خبرداری ورکړ چې د جګړې په ډګر کې به بریالي نه‌شي.

د ناټو سرمنشي دغه راز ټینګار وکړ چې له افغانستانه د ناټو ځواکونو اېستلو په اړه هېڅ ډول پرېکړه نه ده شوې.


  د افغان ایرکا خبري اژانس

• اړوند خبرونه:

• ستاسو آندونه

  • ستاسو را لیږل شوي آندونه او پيغامونه د افغان ایرکا خبر راټولونې له تائید وروسته په ویبسایټ کې خپریږي
  • د تور او تهمت پيغامونه نه خپریږي
  • هغه پیغامونه چې په پښتو او دري ژبه نه وي یا په خبر پورې اړونده نه وي، نه خپریږي.