Share/Save/Bookmark

کد مطلب :63551
تاریخ انتشار : يکشنبه 18 وری 1398 ساعت : 19:41:08

د کانونو غیرقانوني کېدنې، د داعشیانو او طالبانو مالي سرچینې دي

په کابل کې د اروپايي ټولنې سفیر پیري مایدون په افغانستان کې د کانونو غیرقانوني کیندنې په اړه اندېښنه څرګندوي.

د اروپايي ټولنې سفیر پیري مایدون د جیولوجیسټانو د نړۍ‌والې ورځې په مناسبت نن په کابل کې وویل، په افغانستان کې د کانونو غیرقانوني کیندنې د وسله‌والو ډلو لکه طالبان، داعشیان او نورو تروریستي ډلو په مالي سرچینو بدلې شوې‌دي.

ښاغلی مایدون وايي چې افغانستان د پیسو مینځلو او تروریزم د تمویل په برخه کې په روان کال کې خطرناک هېواد ګڼل کېږي او افغان حکومت باید د کانونو غیرقانوني کیندنو مخنیوی وکړي.

د ولسمشر دویم مرستیال سرور دانش هم وايي چې افغانستان د ډېرو پراخو طبیعي سرچینو په لرلو سره لا هم په بریالۍ توګه له دې سرچینو سمه ګټنه نه‌ده کړې.

د ده په وینا، که‌چېرې د افغانستان له کانونو او طبیعي منابعو ګټنه وشي؛ په سیمه کې به تر ټولو غني هېواد وبلل شي.

ښاغلی دانش له حصوصي سکتوره په‌دې برخه کې له دولت سره د همکارۍ غوښتنه کوي.

له‌دې سره هم‌مهاله د کانونو او پترولیم وزارت مسوولان په‌ ۱۵ ولایتونو کې د ۳۰جیولیوجیکي ساحو د سروې خبر ورکوي.


  د افغان ایرکا خبري اژانس

• اړوند خبرونه:

• ستاسو آندونه

  • ستاسو را لیږل شوي آندونه او پيغامونه د افغان ایرکا خبر راټولونې له تائید وروسته په ویبسایټ کې خپریږي
  • د تور او تهمت پيغامونه نه خپریږي
  • هغه پیغامونه چې په پښتو او دري ژبه نه وي یا په خبر پورې اړونده نه وي، نه خپریږي.