Share/Save/Bookmark

کد مطلب :63578
تاریخ انتشار : دوشنبه 26 وری 1398 ساعت : 16:02:43

د محمد حنیف اتمر په مشرۍ د سولې او اعتدال ټاکنیز ټیم هم د سولې له مشورتي جرګې څخه پریکون اعلان کړ

د ولسمشریزو ټاکنو لپاره نوماند حنیف اتمر او د ملي امنیت شورا پخوانی سلا کار وایي، د سولې په مشورتي لویه جرګه کې به د سولې او اعتدال ټیم په استازولي هیڅوک هم ګډون ونکړي.

ښاغلي اتمر د یوې اعلامیې په خپرولو سره په مشورتي لویه جرګه کې  نه ګډون او له دغې جرګې څخه د پریکون خبر ورکړی دی.

د سولې او اعتدال ټاکنیز ټیم په اعلامیه کې راغلي،” د څو اونیو په تېریدو سره د لویې جرګې د ترسره کیدو چارې د ولسمشرۍ مانۍ د ټیم له لوري په بشپړه سفارشي، نا رڼه او یو اړخیزه توګه پر مخ وړلې کیږي، تر دې دمه د دې جرګې د بې پرېتوب او واقعي موخو په اړه وضاحت نه لیدل کیږي. د دغې جرګې د بې پرې والې او خپلواکۍ په اړه مونږ ته هیڅ ډاډ نه دی راکړل شوي”.

اعلامیه زیاتوي،” په دغسې یوه وضعیت کې چې د سولې مشورتي لویي جرګې تر نوم لاندې، د مطرح سیاسي ډلو، د ملي او ولسي خوځښتونو له سلا او مشورې پرته جرګه جوړیږي، یوه واقعي او بې پرې جرګه نشي ګڼل کیدای، ځکه لویې جرګې ته مشورتي اصل مشروعیت ورکوي چې ګټورې پایلې ترې تر لاسه کیږي”.

ښاغلي اتمر ویلي چې د سولې او اعتدال ټیم پر خپلې مخکنۍ اعلامیه ټینګار کوي او دغه جوړیدونکي جرګه بې ګټې، د سولې پروسې د وخت ضایع کونکې او یو غیر قانوني ټاکنیز کمپاین بولي.

تر دې وړاندې د ډاکټر عبدالله عبدالله په مشرۍ د ثبات او همپالنې ټاکنیز ټیم هم ویلي وو چې د دغې جرګې د ترسره کیدو په اړه مشوره ورسره نه ده شوې نو په دې توګه یې له دې جرګې سره د پریکون اونه ګډون خبر ورکړ.

ټاکل شوې چې د سولې مشورتي لویه جرګه د روان کال د ثور په ۹ مه په کابل کې جوړه شي چې له ټول هېواده به پکې ۲۵۰۰ تنه د خلکو استازي ګډون وکړي.


  د افغان ایرکا خبري اژانس

• اړوند خبرونه:

• ستاسو آندونه

  • ستاسو را لیږل شوي آندونه او پيغامونه د افغان ایرکا خبر راټولونې له تائید وروسته په ویبسایټ کې خپریږي
  • د تور او تهمت پيغامونه نه خپریږي
  • هغه پیغامونه چې په پښتو او دري ژبه نه وي یا په خبر پورې اړونده نه وي، نه خپریږي.