Share/Save/Bookmark

کد مطلب :63584
تاریخ انتشار : چهار شنبه 28 وری 1398 ساعت : 13:49:33

افغانستان کې سېلابونو ۱۳۴ کسان ووژل

په افغانستان کې د روان کال د حمل میاشتې له اتمې نېټې راهیسې په سیلابونو کې د وژل شویو کسانو شمېر ۱۳۴ تنو ته رسیدلی دی.

دا خبره نن طبیعي پېښو ته د رسېدو په چارو کې د افغانستان د دولت د وزارت مرستیال محمد قاسم حیدري رسنیو ته وکړه.

په‌دغو سیلابونو کې په ۱۳۴ وژل شویو سربېره، ۶۱ کسان ټپيان او ۳۸ نور لادرکه دي.

د پلازمینې کابل په شمول په ۲۰ ولایتونو کې سیلابونه راوتلي چې په وروستیو درېیو ورځو کې یې زور اخیستی.

پېښو ته د رسېدو په چارو کې د دولت مرستیال وزیر قاسم حیدري وايي چې په مرګ‌ژوبلو سربېره څه باندې باندې ۹ زره کورونه نیمه یا پوره وران شوي.

ولسمشر اشرف غني بیګاه په ارګ کې د اړوندو ادارو مسؤلینو ته امر کړی چې له سیلاب ځپلو سره د مرستې لپاره ژر تر ژره لاس په کار شي.


  د افغان ایرکا خبري اژانس

• اړوند خبرونه:

• ستاسو آندونه

  • ستاسو را لیږل شوي آندونه او پيغامونه د افغان ایرکا خبر راټولونې له تائید وروسته په ویبسایټ کې خپریږي
  • د تور او تهمت پيغامونه نه خپریږي
  • هغه پیغامونه چې په پښتو او دري ژبه نه وي یا په خبر پورې اړونده نه وي، نه خپریږي.