Share/Save/Bookmark

کد مطلب :63616
تاریخ انتشار : دوشنبه 9 غوایی 1398 ساعت : 15:43:53

پخواني ولسمشر کرزي له حکومته غوښتي چې د سولې مشورتي لویه جرګه و ځندوي

د افغانستان پخواني ولسمشر حامد کرزی وایي چې له دې اړخه اندیښنه لري هسې نه چې د سولې مشورتي لویه جرګې د سولې د خبرو د خنډ او ځنډ لامل شي.

پخواني ولسمشر له افغان حکومته غوښتي چې د سولې مشورتي لویه جرګه و ځندوي.

د حامد کرزي پر فیسبوک پاڼه د خپرې شوې اعلامېې له قوله، چې د راتلونکي جرګې په تړاو په خپله حکومت کې دننه او په ملي کچه اجماع نه شته ځکه یې دی ګټوره نه ګڼي.

په اعلامیه کې راغلي:” تل مې د یوه افغان په توګه ملي اجتماع ته د رسیدو په موخه د مشورتي جرګې په ارزښت ټینګار کړی، خو د ځینو دلایلو  له کبله دغه مشورتي لویه جرګه چې د حکومت له لوري را بلل شوې ده، په اوسنیو شرایطو کې د خلکو په ګټه نه ده”.

له دې وړاندې د ملي یوالي حکومت شریک ډاکټر عبدالله عبدالله او ټاکنیز ټیم یې، محمد حنیف اتمر په مشرۍ د سولې او اعتدال ټیم، د حزب اسلامي مشر او د راتلونکو ولسمشریزو ټاکنو نوماند ګلبدین حکمتیار او یو شمېر نورو سیاسي، شخصینونو او نوماندانو د سولې په مشورتي لویه جرګه کې د نه ګدون او تحریم اعلامېې خپرې کړې وې.


  د افغان ایرکا خبري اژانس

• اړوند خبرونه:

• ستاسو آندونه

  • ستاسو را لیږل شوي آندونه او پيغامونه د افغان ایرکا خبر راټولونې له تائید وروسته په ویبسایټ کې خپریږي
  • د تور او تهمت پيغامونه نه خپریږي
  • هغه پیغامونه چې په پښتو او دري ژبه نه وي یا په خبر پورې اړونده نه وي، نه خپریږي.