Share/Save/Bookmark

کد مطلب :63647
تاریخ انتشار : سه شنبه 17 غوایی 1398 ساعت : 18:01:10

د کابل د وروستیو پایلو د اعلام په اړه پرېکړه شوې

ټاکنیزو شکایتونو خپلواک کمیسیون د کابل د ولسي جرګې د ټاکنو د پایلو په اړه خپله پرېکړه وروستۍ کړې او د اعلامولو لپاره یې د ټاکنو خپلواک کمیسیون ته لیږلې ده.

د ټاکنو خپلواک کمیسیون د ویاند مرستیال عبدالعزیز ابراهیمي آریانا نیوز ته ویلي، چې د ټاکنیزو شکایتونو کمیسیون د پرېکړې له تطبیق وروسته به د کابل د ټاکنو وروستۍ پرېکړه اعلام شي.

په کابل کې د ولسي جرګې ټاکنې په دوه ویشت ناحیو او څوارلس ولسوالیو کې له ګڼو نیمګړتیاوو سره مل تر سره شوې، چې د شپږ میاشتو په تېریدو اوس هم د دغه ولایت پایلې ندي اعلان شوي.

دا په داسې حال کې ده، چې د ټاکنیزو شکایتونو کمیسیون تېره ورځ په ډاګه کړه: د کابل ولایت د ولسي جرګې د ټاکنو د پایلو شل په سلو کې پاڼې لادرکه شوي؛ ځکه، نو د پایلو اعلان ځنډیدلی دی؛ خو ولسمشر غني د کابل ولایت د ولسي جرګې له غړیو پرته ملي شورا پرانیستله او د دې جرګې د ا داري پلاوي ټاکنې د کابل د پایلو د ځنډيدو له کبله یوه اوونۍ شاته وغورزول شوې.


  د افغان ایرکا خبري اژانس

• اړوند خبرونه:

• ستاسو آندونه

  • ستاسو را لیږل شوي آندونه او پيغامونه د افغان ایرکا خبر راټولونې له تائید وروسته په ویبسایټ کې خپریږي
  • د تور او تهمت پيغامونه نه خپریږي
  • هغه پیغامونه چې په پښتو او دري ژبه نه وي یا په خبر پورې اړونده نه وي، نه خپریږي.