Share/Save/Bookmark

کد مطلب :63731
تاریخ انتشار : شنبه 18 غبرګولی 1398 ساعت : 20:32:59

فاریاب کې څلور نجونې د انسان تښتوونکو له منګولو ژغورلې شوې او یو انسان تښتونکی وژل شوی

کورنیو چارو وزارت وایي، پرون جمعه د غبرګولي په ۱۷مه د پولیسو د عملیاتو پرمهال د فاریاب ولایت په پشتون کوټ ولسوالۍ کې د انسان تښتونکو له منګولو څخه ۴ نجونې ژغورلې شوې او د یادو عملیاتو په پایله کې د انسان دتښتونکو ډلمشر وژل شوی او ۴ تنه نور انسان تښتونکي نیول شوي دي.

په دې اړه د کورنیو چارو وزارت په خبر پاڼه کې راغلي،” تېره ورځ د فاریاب ولایت د امنیه قومندانۍ پولیسو د یاد ولایت په پشتونکوټ ولسوالۍ کې د څلورو نجونو د ازادولو په موخه یو لړ عملیات ترسره کړي چي د یادو عملیاتو پرمهال یو حرفوي انسان تښتوونکی او ډلمشر یې پر پولیسو تر ډزو وروسته ووژل شو او څلور تنه نور همکاران یې چې د نجونو په تښتونه کې یې لاس درلود، نیول شوي دي”.

خبر پاڼه زیاتوي چې د عملیاتو په پایله کې څلور تښتول شوې نجونې هم ازاد شوې دي.


  د افغان ایرکا خبري اژانس

• اړوند خبرونه:

• ستاسو آندونه

  • ستاسو را لیږل شوي آندونه او پيغامونه د افغان ایرکا خبر راټولونې له تائید وروسته په ویبسایټ کې خپریږي
  • د تور او تهمت پيغامونه نه خپریږي
  • هغه پیغامونه چې په پښتو او دري ژبه نه وي یا په خبر پورې اړونده نه وي، نه خپریږي.