Share/Save/Bookmark

کد مطلب :63800
تاریخ انتشار : شنبه 8 چنګاښ 1398 ساعت : 15:22:14

میررحمان رحماني د ولسي جرګې د رییس په توګه وټاکل شو

د میر رحمان رحماني او خان محمد وردګ تر منځ ټاکنې درېیم پړاو کې تر سره شوې، په دې ټاکنو کې نصاب دوه سوه پنځه څلویښت استازي وه او ټولو وکیلانو خپلې رایې وکارولې.

د ولسي جرګې د اداري پلاوي لنډمهالی مدیر محمد عالم ساعي وایي؛ نصاب مو ۲۴۵ دی او هر چا، چې ۱۲۳ رای خپلې کړې؛ همغه ګټونکی دی.

د ولسي جرګې لنډمهال رییس ملک قیس نورآغا  وایي؛ سپینې رایې دوه او باطلې ۱۱ وې؛ خان محمد ۹۶ رایې او میررحمان رحماني د ولسي جرګې د اووه لسم پړاو د رییس په توګه ۱۳۶ رایې خپلې کړي او د پېنځه کلونو لپاره به د دې جرګې مشر وي.

د ولسي جرګې رییس ژمنه کوي، چې د قانون د عملي کیدو او د خلکو غوښتنو د پوره کیدو لپاره به عملي ګامونه واخلي.

د ولسي جرګې رییس میررحمان رحماني ویلي، چې د قانون له مخې به له اجرائیه او قضاییه ځواک سره همکار وي او ملي ګټې د هرې بلې موضوع په تناسب د ولسي جرګې د کارونو په لومړیتوبونو کې دي.

د ولسي جرګې ریاست ته نوماند خان محمد وردګ وایي؛ ممونږ به د ښاتغلي رحماني سره د همکار په توګه هڅې کوو، چې خپل مسوولیتونه ښه تر سره کړو.  

ټاکل شوې، چې د ولسي جرګې د رییس د مرستیالانو ټاکلو لپاره هم  تر شاوخوا څلویښت ورځو وروسته ټاکنې وشي؛ خو معالومه نده، چې کومې څېرې د دې څوکیو لپاره ځانونه نوماندوي.


  د افغان ایرکا خبري اژانس

• اړوند خبرونه:

• ستاسو آندونه

  • ستاسو را لیږل شوي آندونه او پيغامونه د افغان ایرکا خبر راټولونې له تائید وروسته په ویبسایټ کې خپریږي
  • د تور او تهمت پيغامونه نه خپریږي
  • هغه پیغامونه چې په پښتو او دري ژبه نه وي یا په خبر پورې اړونده نه وي، نه خپریږي.