Share/Save/Bookmark

کد مطلب :63811
تاریخ انتشار : يکشنبه 9 چنګاښ 1398 ساعت : 13:52:10

پاکستان دافغان کډوالو د پاتې کېدو وخت یو کال نور اوږد کړ

دغه وروستۍ پرېکړه په داسي وخت کې شوی ده چې افغان ولسمشر اشرف غني په دوه ورځني سفر پلازمېنې اسلام اباد ته ورغلی وو.

د  پاکستان  مرکزي حکومت  او د سرحدونو او قبايلي چارو وزارت (سېفران)  په  دغه هيواد کې مېشتو کډوالو افغانانو ته تر يو کال پورې نور وخت ور کړ چې له مخې به يې هغوی وکولی شي د ۲۰۲۰ میلادي کال تر جون مياشتي پورې دلته  په قانوني توګه واوسي.

حکومت  دغه  پرېکړه په  دې هيواد کې د مېشتو راجستر شویو افغانانو په هکله کړې ده. دغه  وروستۍ پرېکړه په  داسي وخت  کې شوی ده چې افغان ولسمشر اشرف غني په  دوه ورځني سفر پلازمېنې اسلام اباد ته  ورغلی وو

د عمران خان حکومت تېر کال واک ته په رسېدلو سره په پاکستان کې مېشتو کډوالو افغانانو ته د ۲۰۱۹ تر جون پورې د پاتې کېدلو وخت ورکړی وو.

تېره  اونۍ د ملګرو ملتونو د کډوالو عالي کمشنرۍ، پاکستاني او افغان چارواکيو د کډوالو په  اړه  غونډه  رابللې وه. په  غونډه کې  د افغانستان په  استازيتوب  د کډوالو چارو وزير سيد حسېن  عالمي  بلخي ګډون  درلود.


  د افغان ایرکا خبري اژانس

• اړوند خبرونه:

• ستاسو آندونه

  • ستاسو را لیږل شوي آندونه او پيغامونه د افغان ایرکا خبر راټولونې له تائید وروسته په ویبسایټ کې خپریږي
  • د تور او تهمت پيغامونه نه خپریږي
  • هغه پیغامونه چې په پښتو او دري ژبه نه وي یا په خبر پورې اړونده نه وي، نه خپریږي.