Share/Save/Bookmark

کد مطلب :63851
تاریخ انتشار : چهار شنبه 26 چنګاښ 1398 ساعت : 16:26:02

حافظ سعید چې امریکا یې پر سر ۱۰ میلیونه ډالره انعام ټاکلی و نیول شوی

د پاکستان د جماعت الدعوه مشر حافظ سعید د دغه هېواد د پنجاب ایالت د ترهګرۍ ضد ځواکونو له خوا نیول شوی دی.

د پاکستاني رسنیو له قوله، حافظ سعید نن چهارشنبه د لاهور–ګوجرانواله پر لویه لاره د ناڅرګندو دلایلوله کبله نیول شوی دی.

حافظ سعید په ۲۰۰۸ کال د هند په ممبۍ کې د ترهګرو بریدونو په ترسره کولو تورن دی. ملګرو ملتونو امنیت شورا د هند ممبۍ ښار کې له بمي چاودونو وروسته پر جماعت الدعوۃ بندیزونه ولګول.

حافظ سعید د لشکر طیبه نومي ترهګرې ډلې موسس بلل کېږي، چې د هند تر ولکې لاندې کشمیر کې جګړه کوي او د دغې ډلې پر ځینو نورو مشرانو هم له ترهګرو ډلو سره د مالي مرستو په تړاو تورونه پورې دي.

په ۲۰۱۴ کال امریکا جماعت الدعوه د ترهګرو ډلو نوملړ ته واچوله او پر هغې یې مالي بندیزونه ولګول او د حافظ سعید په باب د مالوماتو ورکوونکي ته یې د لس میلیونه ډالرو انعام ورکولو اعلان وکړ.

وروسته له هغه پاکستان په ۲۰۱۵ کال کې اعلان وکړ چې د جماعت الدعوه په ګډون د هغو ټولو تنظیمونو شتمنۍ یې کنګل کړې دي چې ملګرو ملتونو بندیزونه پرې لګولي دي.

ویل کیږي چې پاکستانحافظ سعید د پیسو سپینولو او د تروریزم د مالي ملاتړ د جرمونو له کبله نیولی دی، ځکه چې د تورو پیسو مينځلو او له ترهګرو سره د مالي مرستو څارونکې نړېوالې ادارې ( اېف اې ټي اېف) پاکستان په خړ لیست کې اچولی دی او ټاکل شوې دغه اداره د روان کال په اکټوبر میاشت کې بله ارزونه وکړي چې ایا پاکستان له خړ ليست څخه تور ليست ته واچوي او کنه.

ویل کیږي پاکستان غواړي د حافظ سعید په نیولو د اېف اې ټي اېف له خړ لیست نه ځان وباسي.


  د افغان ایرکا خبري اژانس

• اړوند خبرونه:

• ستاسو آندونه

  • ستاسو را لیږل شوي آندونه او پيغامونه د افغان ایرکا خبر راټولونې له تائید وروسته په ویبسایټ کې خپریږي
  • د تور او تهمت پيغامونه نه خپریږي
  • هغه پیغامونه چې په پښتو او دري ژبه نه وي یا په خبر پورې اړونده نه وي، نه خپریږي.