Share/Save/Bookmark

کد مطلب :63959
تاریخ انتشار : يکشنبه 27 زمری 1398 ساعت : 13:07:13

طالبان په افغانستان کښې د ولسمشریزو انتخاباتو د ترسره کیدو مخالف دي

په قطر کښې د طالب ډلې د سیاسي دفتر ویاند د افغانستان د انتخاباتو په نتیجه کښې جوړ شوی حکومت د جنګ د دوام په معنا وباله.

په قطر کښې د طالب ډلې د سیاسي دفتر ویاند په ستمبر میاشت کښې په افغانستان کښې د ولسمشریزو ټاکنو له ترسره کیدو سره د مخالفت په ترڅ کښې، د دغو انتخاباتو په نتیجه کښې جوړ شوی حکومت د جنګ د دوام په معنا وباله.

تسنیم خبري آژانس لیکلې دي چې سهیل شاهین وویل: له امریکې سره د موافقې لپاره د خبرواترو د دوام په سیوري کښې د افغانستان د ولسمشریزو انتخاباتو ترسره کیدل د جنګ د دوام سبب کیږي.

شاهین مدعي شو چې طالبانو د خبرواترو له لارې د افغانستان د مسئلې د هواري په تکل کښې دي.

هغه زیاته کړه: له افغانستانه د امریکايي ځواکونو د وتلو مهال ویش فائنل شوی دی او له امریکې سره د موافقې له لاسلیکیدو وروسته به بین الافغاني خبرې اترې پيل شي او په کښې به د افغانستان د راتلونکي سیاسي نظام په هکله پریکړه وشي.

په قطر کښې د طالبانو د دفتر ویاند په داسې حال کښې له افغانستانه د امریکايي ځواکونو د وتلو د مهال ویش د نهايي کیدو خبر ورکوي چې د امریکې د دفاع وزارت یو چارواکي رویټرز خبري آژانس ته ویلې دي چې د امریکې او طالب ډلې ترمینځ لاهم جدي اختلافات شته دي.

ټاکل شوې چې د افغانستان د ولسمشرۍ ټولټاکنې د روان ۲۰۱۹ کال د ستبمر په ۲۸ نیټه ترسره شي.


  د افغان ایرکا خبري اژانس

• اړوند خبرونه:

• ستاسو آندونه

  • ستاسو را لیږل شوي آندونه او پيغامونه د افغان ایرکا خبر راټولونې له تائید وروسته په ویبسایټ کې خپریږي
  • د تور او تهمت پيغامونه نه خپریږي
  • هغه پیغامونه چې په پښتو او دري ژبه نه وي یا په خبر پورې اړونده نه وي، نه خپریږي.