Share/Save/Bookmark

کد مطلب :63987
تاریخ انتشار : سه شنبه 12 وږی 1398 ساعت : 10:33:38

د صهیونیسټانو له خوا د لبنان د حاکمیت د خلاف ورزۍ وخت تیر شوی دی

د لبنان د حزب الله عمومي منشي د دغه هیواد خلاف د صهیونیسټي رژيم د راپارونکو اقداماتو په وجه دغه رژيم ته په خبرداري سره وویل: د صهیونیسټانو هر ډول راپارونکی اقدام به د مقاومت له ځپونکي ځواب سره مخامخ شي.

د ایرنا د خبر له مخې سید حسن نصر الله بیګا په یولړ څرګندونو کښې په دې ټکي باندې په ټینګار سره چې د صهیونیسټانو له خوا د لبنان د واکمنۍ د خلاف ورزۍ زمانه تیره شوې ده، وویل: د مقاومت له وروستیو عملیاتو څخه د لبنان د حکومت، پوځ او خلکو ملاتړ ثابته کړه چې حزب الله د صهیونیسټانو ګواښونو ته په ځواب ورکولو کښې مضبوطه اډانه لري.

هغه د بیروت په سویلي سیمه کښې د صهیونیسټي رژیم د خلاف ورزي کونکو ډرونز د تیرې اونۍ ناکامو عملیاتو ته په اشارې سره وویل: د لبنان د پوځ او مقاومت په هوښیارۍ سره نور نو د لبنان د خاورې هیڅ کومه برخه د اسرائیلو د پوځ د بلاغوښتنو لپاره مناسبه نه ده پاتې.

نصر الله صهیونیسټانو ته وویل: د ۲۰۱۹ کال د ستمبر اوله نیټه ښه په یاد ولرئ ځکه چې دغه ورځ د لبنان د دفاع لپاره د داسې نوې مرحلې پیلامه ده چې په کښې د مقاومت لپاره هیڅ سره کرښه نشته.


  د افغان ایرکا خبري اژانس

• اړوند خبرونه:

• ستاسو آندونه

  • ستاسو را لیږل شوي آندونه او پيغامونه د افغان ایرکا خبر راټولونې له تائید وروسته په ویبسایټ کې خپریږي
  • د تور او تهمت پيغامونه نه خپریږي
  • هغه پیغامونه چې په پښتو او دري ژبه نه وي یا په خبر پورې اړونده نه وي، نه خپریږي.