Share/Save/Bookmark

کد مطلب :64063
تاریخ انتشار : يکشنبه 7 تله 1398 ساعت : 09:53:54

د ټاکنو خپلواک کمېسیون د رايې اچونې نیمو مرکزونو کې، د خلکو د ګډون اټکلیز ارقام شریک کړل

تیره شپه او د ټاکنو د رايه اچونې د بهیر له خلاصېدو ورسته، ټاکنو خپلواک کمېسیون د رایې اچونې نیمو مرکزونو کې د خلکو د ګډون په هکله اټکلیز شمېر خپور کړ.

د ټاکنو خپلواک کمېسیون وايي، د رایو ۲۵۹۷ مرکزنو څخه د رايه ورکوونکو اټکلیز شمېر ۱۵۱۹۹۸ کسانو ګډون ښودل شوی دی، د ټاکنو کمېسیون وویل چې دا شمېر اټکلیز دی، او د ټلفون له لارې د مرکزونو له مسؤلینو څخه اخیستل شوی دی.

کمېسیون همدا راز وویل چې د نن ورځې یکشنبې د ( تلې ۷ مه) تر پایه به د ټولو مرکزونو د رایې ورکوونکو شمېر مالوم او له خکلو سره شریک کړي.

تیره ورځ شنبه د ( تلې شپږمه) افغانستان کې د ۱۳۹۸ کال ولسمشریزې ټاکنې ترسره شوې، چې د خلکو ګدون پکې پیکه وښودل شو، کارپوهان د خلکو د کم شمېر ګډون په هکله وايي چې، تیرو پارلماني ټاکنو د خلکو باور پر کمېسیون کم کړی وو، ځګه هغه ټاکنې له درغلیو ډکې وې، بلې خوا د ټاکنو خپواک کمېسیون د تیرې ورځې تاکنې په اتلس کلونو کې بې سارې او رڼې یادوي. امنیتي ګواښونه هم د خلکو په نه ګډون تاثیر درلود، ځکه خلکو د رايې ورکولو پر وخت له امنیتي پېښو ډار درلود، که څه هم له ټاکنو مخکې امنیتی ادارو خلکو ته د امنیت د ټینګښت ډاد ورکړی وو.


  د افغان ایرکا خبري اژانس

• اړوند خبرونه:

• ستاسو آندونه

  • ستاسو را لیږل شوي آندونه او پيغامونه د افغان ایرکا خبر راټولونې له تائید وروسته په ویبسایټ کې خپریږي
  • د تور او تهمت پيغامونه نه خپریږي
  • هغه پیغامونه چې په پښتو او دري ژبه نه وي یا په خبر پورې اړونده نه وي، نه خپریږي.