Share/Save/Bookmark

کد مطلب :64086
تاریخ انتشار : شنبه 13 تله 1398 ساعت : 17:24:38

غني: تر راتلونکو دریو اوونیو به نوی ولسمشر د لوړې مراسم پرځای کړي

ولسمشر غني ویلي تر راتلونکو دریو اوونیو پورې به د افغانستان نوی ولسمشر د لوړې مراسم پر ځای کړي.

ښاغلي غني نن په کابل کې افغان ځواکونو ته د ۱۰۰۰ اپارتمانونو د وېشلو په مراسمو کې د خبرو پر مهال وویل، تر راتلونکو دریو اوونیو پورې به نوی ولسمشر، چې د اعلانولو مسوولیت یې دټاکنو کمیسیونونو سره دی، د لوړې مراسم پرځای کړي.

ولسمشرۍ ټاکنې د تلې میاشتې په شپږمه ترسره شوې چې د ټاکنو کمیسیون د معلوماتو له مخې پکې تر دوه میلیونه ډېرو کسانو برخه اخیستې وه. ولسمشر غني تر دریو اوونيو پورې د ټاکنو د پایلو اعلان خبره په داسې حال کې کوي چې د ټاکنو خپلواک کمیسیون د مهالوېش له مخې د یادو ټاکنو لومړنۍ پایلې د تلې میاشتې په ۲۷ او وروستۍ هغه یې د راتلونکې لړم میاشتې په ۱۶مه اعلانېږي.


  د افغان ایرکا خبري اژانس

• اړوند خبرونه:

• ستاسو آندونه

  • ستاسو را لیږل شوي آندونه او پيغامونه د افغان ایرکا خبر راټولونې له تائید وروسته په ویبسایټ کې خپریږي
  • د تور او تهمت پيغامونه نه خپریږي
  • هغه پیغامونه چې په پښتو او دري ژبه نه وي یا په خبر پورې اړونده نه وي، نه خپریږي.