Share/Save/Bookmark

کد مطلب :64119
تاریخ انتشار : دوشنبه 13 لړم 1398 ساعت : 16:40:36

پاکستان کابل کې د وېزې ورکولو څانګه وتړله

د پاکستان سفارت کابل کې خپله د ویزو ورکولو څانګه تر یوې نامعلومې نیټې پورې وتړله.

د پاکستان سفارت په یوه خپره شوې خبرپاڼه کې ویلي چې دا کار خپلو کارکوونکو ته د امنیتي ګواښونو له امله کوي.

پاکستان ویلي، چې دغه څانګه به تر بلې خبرتیا پروې تړلې وي.

بله خوا د پاکستان د بهرنیو چارو وزارت هم پرون یکشنبه په هغه هېواد کې له افغان شارژدافیر سره په دې اړه خپل اندېښنه شریکه کړې ده.

د پاکستان د بهرنیو چارو وزارت په یوې اعلامیې کې ویلي، چې په تېرو دوو ورځو کې په کابل کې د دوی د سفارت کار کوونکي او مامورین سفارته پر لار خپلو موټرو کې ځورول شوي او موټرسایکلونه ورسره جنګول شوي دي.

خو یو شمیر کارپوهان بیا کابل کې د دوی کار کوونکو ته امنیتي ګواښونه یوه بهانه بولي او وایي چې د پاکستان کورني نازک حالت دوی دې کار ته اړ کړي دي.

د پاکستان په پلازمینه اسلام اباد کې له څو ورځو راهیسې د مذهبي ګوندونو له خوا پراخ لاریونونه روان دي.

د مولانا فضل رحمان په مشري جمعت اسلامي ګوند د پاکستان د لومړي وزیر، عمران خان د استعفا غوښتنه کړې ده.


  د افغان ایرکا خبري اژانس

• اړوند خبرونه:

• ستاسو آندونه

  • ستاسو را لیږل شوي آندونه او پيغامونه د افغان ایرکا خبر راټولونې له تائید وروسته په ویبسایټ کې خپریږي
  • د تور او تهمت پيغامونه نه خپریږي
  • هغه پیغامونه چې په پښتو او دري ژبه نه وي یا په خبر پورې اړونده نه وي، نه خپریږي.