Share/Save/Bookmark

کد مطلب :64130
تاریخ انتشار : پنج شنبه 16 لړم 1398 ساعت : 12:21:21

د افغانستان ښځینه والیبال ملي لوبډله بنګله‌دېش ته لاړه

د افغانستان ښځینه والیبال ملي لوبډله کابل کې د غوراوي پړاو او تمریناتو وروسته په اسیایي جام سیالیو کې د ګډون له پاره تېره ورځ بنګله‌دېش ته روانه شوه.

د ښځینه والیبال ملي لوبډلې لوبډلمشره فروزان هادي بنګله‌دېش ته له روانېدو وړاندې په خپلو خبرو کې وویل، چې له تېرې یوې میاشتې راهیسې یې اسیایي سیالیو ته تمرینات کړي دي او ښې لوبې به وکړي.

د یادونې وړ ده چې دا لومړی ځل دی، د افغانستان ښځینه والیبال ملي لوبډله د اسیا په ښځینه والیبال جام سیالیو کې ګډون کوي او دغو سیالیو ته یې لاره پیدا کړې ده.

د ښځینه والیبال ملي لوبډلو ترمنځ دغه سیالۍ د روانې نومبرمیاشتې له ۹مې د همدې میاشتې تر ۱۴مې نېټې د بنګله‌دېش په پلازمېنه ډهاکه کې ترسره کېږي.

د ورکړل شویو معلوماتو له مخې، د سږ کال په سیالیو کې به د افغانستان ښځینه والیبال ملي لوبډلې ترڅنګ د پاکستان، هندوستان، نیپال، سرېلانکا او کوربه بنګله‌دېش ښځینه والیبال ملي لوبډلې لوبې وکړي.

د یادونې وړ ده، چې د مرکزي اسیا دغو سیالیو ته د افغانستان ښځینه والیبال ملي لوبډله کې بهترینه لوبغاړې د ښځینه لوبډلو ترمنځ د هغو غوراوي پړاو سیالیو نه غوره شوي چې تېره میاشت په کابل کې وشوې.


  د افغان ایرکا خبري اژانس

• اړوند خبرونه:

• ستاسو آندونه

  • ستاسو را لیږل شوي آندونه او پيغامونه د افغان ایرکا خبر راټولونې له تائید وروسته په ویبسایټ کې خپریږي
  • د تور او تهمت پيغامونه نه خپریږي
  • هغه پیغامونه چې په پښتو او دري ژبه نه وي یا په خبر پورې اړونده نه وي، نه خپریږي.