Share/Save/Bookmark

کد مطلب :64143
تاریخ انتشار : يکشنبه 19 لړم 1398 ساعت : 18:59:51

سږکال د هېواد د جلغوزیو حاصلات ۱۲ سلنه زیات شوی دی

د کرنې،اوبولګولو او مالدارۍ وزرات د ارزونې له مخې د جلغوزې سږني حاصلات د تیر کال په پرتله ۱۲ سلنه زیاتوالی موندلی دی.

د افغانستان د کرنې، اوبولګولو او مالدارۍ وزارت په هېواد کې د جلغوزیو د ځنګلونو تر ارزونې وروسته په روان کال کې د جلغوزیو د حاصلاتو د ډیروالي خبر ورکوي.

 د دغه وزرات په وینا سږکال د هېواد په کچه ۲۴ زره ټنه جلغوزي راټلو شوي دي، چې د تیر کال په پرتله ۱۲ سلنه زیاتوالی پکې لیدل کیږي، تیره کال ټول هېواد کې د جلغوزیو حاصل ۲۳ زره ټنه وو.

د جلغوزیو ځنګلونه د هېواد په نهو ولایتونو “خوست، پکتیا، پکتیکا، ننګرهار، کونړ، لغمان، نورستان، کاپیسا او کابل” کې شتون لري، چې ۴۴ زره هکټاره ځمکه یې نیولې ده.

د لړم میاشې ۱۵ مه نېټه چې تیر کال د ولسمشر محمد اشرف غني لخوا د جلغوزیو ملي ورځ په  نوم نومول شوې وه، روان کال کې هم ترې د ولسمشر غني لخوا نمانځنه وشوه.

دغه ورځ چې همدا څو ورځې مخکې د لړم میاشتې په ۱۵ مه نېټه د ولسمشر غني لخوا په ارګ کې ونمانځل شوه، ولسمشر اشرف غني د جلغوزیو د ارزښت په اړه وويل، چې نن د افغانستان ټول خلک د جلغوزیو په ارزښت پوهېدلي دي، او یادونه یې وکړه، چې زموږ پټې خزانې نورې پټې ندي.

د کرنې،اوبلګولو او مالدارۍ وزارت د چارواکو په وینا افغانستان په کال کې د ۲۳ تر ۳۵ زره ټنه د جلغوزیو د تولید وړتیا لري، او د محاسبې له مخې ۳۵ زره ټنه جلغوزې د کال څه د باندې ۴،۱ ملیارډ ډالر جوړوي.

د هوايي دهلیز له پرانیست سره سم ګاوندي هېوادونو د جلغوزیو له قاچاق مخنیوی شوی دي، او له تیرکال څخه د افغانستان جلغوزي د هوايي دهلیز له لارې چین ته صادریږي.


  د افغان ایرکا خبري اژانس

• اړوند خبرونه:

• ستاسو آندونه

  • ستاسو را لیږل شوي آندونه او پيغامونه د افغان ایرکا خبر راټولونې له تائید وروسته په ویبسایټ کې خپریږي
  • د تور او تهمت پيغامونه نه خپریږي
  • هغه پیغامونه چې په پښتو او دري ژبه نه وي یا په خبر پورې اړونده نه وي، نه خپریږي.