Share/Save/Bookmark

کد مطلب :64404
تاریخ انتشار : چهار شنبه 2 سلواغه 1398 ساعت : 15:34:19

ولسي جرګې د ۱۳۹۹ کال بودجه تصویب کړه

د افغانستان ولسي جرګې نن چهارشنبې د ۱۳۹۹ مالي کال بودجه تصویب کړه.

د ۱۳۹۹ کال بودجه په ولسي جرګه کې له زیاتو جنجالونو وروسته تصویب شوې ده.

د دې بودجې طرحه د مرغومې په دریمه نېټه ولسي جرګه ته وړاندې شوې وه.

د مالي وزارت ویاند، شمروز خان مسجدي دا خبر تایید کړی دی.

د ۱۳۹۹ کال بودجه کې ۴۲۸ میلیارد افغانۍ په پام نیول شوې ده چې ۲۸۹ میلیارده یې عادي او ۱۳۹ میلیارده یې پراختیايي بودجه ده.

د مالیې وزارت ویلي هڅه کويله بودیجوي واحدونو سره په همکارۍ د پراختیایي بودیجې لګښت، د مؤثریت، مثمریت او پراختیایي لومړیتوبونو په پام کې نیولو سره د پام وړ زیات کړي.

پارلماني چارو کې د دولت د وزارت وزیر، فاروق وردک هم د بودجې تصویبولو له امله له ولسي جرګې مننه کړې او ویلي یې دي چېد ملي شورا د اوولسمې تقنیني دورې لومړی کال پای ته ورسېد.

د ملي شورا استازي اوس د ژمي ۴۵ ورځنۍ رخصتي کوي.


  د افغان ایرکا خبري اژانس

• اړوند خبرونه:

• ستاسو آندونه

  • ستاسو را لیږل شوي آندونه او پيغامونه د افغان ایرکا خبر راټولونې له تائید وروسته په ویبسایټ کې خپریږي
  • د تور او تهمت پيغامونه نه خپریږي
  • هغه پیغامونه چې په پښتو او دري ژبه نه وي یا په خبر پورې اړونده نه وي، نه خپریږي.