Share/Save/Bookmark

کد مطلب :64439
تاریخ انتشار : شنبه 12 سلواغه 1398 ساعت : 12:55:19

پاکستان چین ته خپلې الوتنې بندې کړې

د پاکستان حکومت په چین کښې د کورونا ناروغۍ له زیاتیدو او په دغه وایرس باندې د څو پاکستانیانو له ککړیدو وروسته چین ته خپلې ټولې الوتنې لغو کړې.

له اسلام آباده زمونږ خبریال رپورټ راکړی چې د پاکستان حکومت نن وویل: د کورونا وایرس د خوریدو د مخنیوي لپاره یې چین ته د خپل هیواد پروازونه د فرورۍ تر دویمې پورې کینسل کړل او ممکنه ده چې دغه موده یې تمدید هم شي.

د اسلام آباد حکومت له دې مخکښې د کورونا وایرس د خوریدو د مخنیوي لپاره د پاکستان په هوايي ډګرونو کښې د کورونا وایرس د معلومولو سکینرونه لګولې دي.

پاکستاني رسنیو په چین کښې په استوګنو څلورو پاکستاني محصلینو کښې د کورونا وایرس د شتون خبر ورکړی و خو نن سهار یې ویلي چې یاد محصلین له درملنې وروسته په ښه کیدو دي.

د تازه خبرونو له مخې په چین کښې د کورونا وایرس له امله د مړو شمیر ۲۵۹ کسانو ته رسیدلی او کابو دولس زره تنه په یادې ناروغۍ اخته شوې دي.


  د افغان ایرکا خبري اژانس

• اړوند خبرونه:

• ستاسو آندونه

  • ستاسو را لیږل شوي آندونه او پيغامونه د افغان ایرکا خبر راټولونې له تائید وروسته په ویبسایټ کې خپریږي
  • د تور او تهمت پيغامونه نه خپریږي
  • هغه پیغامونه چې په پښتو او دري ژبه نه وي یا په خبر پورې اړونده نه وي، نه خپریږي.