Share/Save/Bookmark

کد مطلب :64503
تاریخ انتشار : جمعه 25 سلواغه 1398 ساعت : 10:50:16

ایسپر: امریکا او طالبانو د تاوتریخوالي پر اووه ورځني کمښت ټینګار کړی

د امریکا دفاع وزیر د پنجشنبې پر ورځ/ د سلواغې ۲۴ په بروکسل کې د ناتو د دفاع وزیرانو له دوه ورځنۍ غونډې وروسته په یوه خبري کنفرانس کې څرګنده کړه، چې امریکا او طالبانو د تاوتریخوالي د اووه ورځني کمښت پر وړاندیز خبرې کړي دي.

د امریکا دفاع وزیر مارک ایسپر ویلي؛ د دغه وړاندیز په اړه له متحدینو سره سلا مشورې اړینې دي او مونږ د پرمختګ په اړه دوه اړخیزې او ډله ییزې ناستې هم تر سره کړې دي.

مارک ایسپر ویلي، چې مونږ د طالبانو د اووه ورځني اوربند په اړه د دوی ژمنې او وړتیا ته په تمه  یو؛ ځکه، چې ورپۍې بین الافغاني  او د بهرنیو ځواکونو د وتو په اړه خبرې پیل شي.

نوموړي د داعش د ګواښ د له منځه وړلو په اړه د ناتو د غړیو هېوادونو پر همکاریو هم ټینګار څرګند کړ  او  وایي، چې په پوره ځواک به د داعش جنګیالیو مخه ډب کړي.

دغه څرګندونې په داسې حال کې کیږي، چې ځینو امریکايي رسنیو د امریکایي چارواکو له خولې په ډاګه کړې، چې امریکا به روانه اوونۍ له طالبانو سره جوړجاړي ته د رسیدو اعلان وکړي.


  د افغان ایرکا خبري اژانس

• اړوند خبرونه:

• ستاسو آندونه

  • ستاسو را لیږل شوي آندونه او پيغامونه د افغان ایرکا خبر راټولونې له تائید وروسته په ویبسایټ کې خپریږي
  • د تور او تهمت پيغامونه نه خپریږي
  • هغه پیغامونه چې په پښتو او دري ژبه نه وي یا په خبر پورې اړونده نه وي، نه خپریږي.