Share/Save/Bookmark

کد مطلب :64514
تاریخ انتشار : شنبه 26 سلواغه 1398 ساعت : 17:58:12

ینس‌ سټولټنبرګ: ناټو په افغانستان کې د خپلو ځواکونو کمولو ته تیاری لري

د ناټو عمومي منشي ینس سټولټنبرګ ویلي، که طالبان «د تاوتریخوالي کمولو لپاره رښتینې اراده او وړتیا» وښيي، ناټو تیاره ده چې په افغانستان کې د خپلو ۱۶ زرو ځواکونو شمېر را کم کړي. نوموړي نه ده روښانه کړې چې څومره ځواکونه به کم له افغانستانه وباسي.

د ناټو عمومي منشي دا څرګندونې له ولسمشر محمداشرف غني سره د مونیخ امنیتي ناستې په څنډه کې کړې دي.

د ولسمشر ویاند صدیق صدیقي بېګاه ماښام پر خپلې ټویټرپاڼې لیکلي، ولسمشر غني چې په مونیخ ناسته کې د ګډون لپاره المان ته تللی، د ناټو له عمومي منشي، د امریکا د بهرنیو او دفاع وزیرانو او زلمي خلیلزاد سره په ګډه غونډه کې لیدلي او خبرې اترې کړې دي. صدیقي د یادې ناستې د جزیاتو په اړه څه نه دي ویلي.

دا په داسې حال کې ده چې د امریکا دفاع وزیر مارک اېسپر دوه ورځې وړاندې وویل چې امریکا له طالبانو سره د اوو ورځو لپاره د تاوتریخوالي پر کمولو خبرې کړي او په اړه یې هوکړې ته رسېدلې ده.

د مونیخ کلنۍ امنیتي غونډه د جمعې په ورځ د المان په مونیخ ښار کې پیل او درې ورځې به دوام وکړي. په دغې غونډه کې د یوشمېر هېوادونو مشران او د بهرنیو چارو وزیران ګډون او پر امنیتي موضوعاتو بحث کوي.


  د افغان ایرکا خبري اژانس

• اړوند خبرونه:

• ستاسو آندونه

  • ستاسو را لیږل شوي آندونه او پيغامونه د افغان ایرکا خبر راټولونې له تائید وروسته په ویبسایټ کې خپریږي
  • د تور او تهمت پيغامونه نه خپریږي
  • هغه پیغامونه چې په پښتو او دري ژبه نه وي یا په خبر پورې اړونده نه وي، نه خپریږي.