Share/Save/Bookmark

کد مطلب :64516
تاریخ انتشار : شنبه 26 سلواغه 1398 ساعت : 18:00:24

«د ارګ او کانونو او پټرولیم وزارت دروازې به وتړو»

د شمال د تېلو او ګازو د تخنیکي خدمتونو د سروې امریت تنقیص شوي کارکوونکي خبرداری ورکوي، که حکومت یې غوښتنې ونه مني، د ارګ او کانونو او پټرولیم وزارت دروازې به وتړي.

دوی نن د جوزجان په مرکز شبرغان ښار کې د لاریون پر مهال خبرداری ورکړ، که غوښتنې یې ونه منل شي، د دولت پر وړاندې به ودرېږي او هر کار ته به لاس واچوي.

د ملي جنبش ګوند سلګونه پلویان هم له دغو معترضانو سره یوځای شول.

د کانونو او پټرولیم وزارت تازه د یاد امریت له ۴۰۰ ډېر کارکوونکي تنقیص کړي دي.

دغه وزارت سږ کال پسرلی هم په جوزجان کې د شمال د تېلو او ګازو د تخنیکي خدمتونو د سروې امریت ۱۱۰ بستونه راکم کړل.

د دغې ادارې کارکوونکي وايي، که څه هم له تېرو ۸ ورځو راهیسې یې اعتراض پیل کړی، خو حکومت تر اوسه په دې اړه هېڅ ګام نه دی اخیستی.

د یادې ادارې یو کارکوونکی نبي وايي، که غوښتنه یې ونه منل شی، تاوتریخوالي ته به مخه او په شبرغان ښار کې به ټولې دولتي ادارې وتړي.

خو د کانونو او پټرولیم وزارت ویاند عبدالقدیر مطفي سلام‌وطندار ته وویل چې یاد وزارت اوس په شمال کې د تېلو او ګازو د تخنیکي خدمتونو د سروې امریت د کارکوونکیو د ستونزو حل کولو لپاره پر یوې طرحې کار کوي، څو یادې ستونزې پای ته ورسېږي.

دا په داسې حال کې ده چې د یاد امریت کارکوونکیو تېره اوونۍ هم اعتراض کړی و او له کانونو او پټرولیم وزارت نه یې غوښتي وو، که ستونزې یې حل نه کړي، ټول تاسیسات او کانونه به پرېږدي او د ناوړه پایلو مسوولیت به یې هم د حکومت پر غاړه وي.


  د افغان ایرکا خبري اژانس

• اړوند خبرونه:

• ستاسو آندونه

  • ستاسو را لیږل شوي آندونه او پيغامونه د افغان ایرکا خبر راټولونې له تائید وروسته په ویبسایټ کې خپریږي
  • د تور او تهمت پيغامونه نه خپریږي
  • هغه پیغامونه چې په پښتو او دري ژبه نه وي یا په خبر پورې اړونده نه وي، نه خپریږي.