Share/Save/Bookmark

کد مطلب :64520
تاریخ انتشار : يکشنبه 27 سلواغه 1398 ساعت : 19:13:38

د ثبات او همپالنې ټیم د رایو د ځانګړې پلټنې پروسه تحریم کړه

د عبدالله عبدالله په مشرۍ د ثبات او همپالنې ټاکنیز ټیم په کابل کې د خبري ناستې پرمهال د رایو بیاشمېرنې او پلټنې پروسه تحریم کړه.

 د دغه ټاکنیز ټیم جګ پوړي غړي فضل احمد معنوي غونډې ته په خبرو کې وویل چې د ټاکنو خپلواک کمیسیون د ثبات او همپالنې ټاکنیز ټیم له څاروونکيو پرته د جنجالي رایو بیا شمېرنه او پلټنه پيل کړي او د دوی دغه کار د ټاکنو له قانونه سرغړونه ده.

 معنوي خبرداری ورکړ چې که چېرې کمیسیون د رایو په بیا شمېرلو او پلټنه کې قانون رعایت نه کړي، دوی به له دغې پروسې ووځي.

نوموړي د ۲۰۱۴کال ټاکنو ته په اشارې دغه راز وویل چې دا ځل به د ټاکنو خپلواک کمیسیون د پرېکړو پر وړاندې درېدو سره د خلکو د پاکو رایو دفاع کوي.

خو د ټاکنو خپلواک کمیسیون مشره حوا علم نورستانۍ بيا وايي دوی ټولو ټاکنیزو ټیمونو ته بلنه ورکړې وه چې خپل څاروونکي د رایو بیا شمېرنې او پلټنې ته واستوي او پر دغه کمیسیون باور ولري.

د ټاکنو خپلواک کمیسیون له لوري د رایو د بیا شمېرنې او پلټنې ځانګړې پروسه نن له غرمې وروسته د ټاکنیزو ټیمونو او پر ټاکنو د څارونکيو بنسټونو د استازو په ګډون له څو ساعته ځنډ وروسته پيل شوه.


  د افغان ایرکا خبري اژانس

• اړوند خبرونه:

• ستاسو آندونه

  • ستاسو را لیږل شوي آندونه او پيغامونه د افغان ایرکا خبر راټولونې له تائید وروسته په ویبسایټ کې خپریږي
  • د تور او تهمت پيغامونه نه خپریږي
  • هغه پیغامونه چې په پښتو او دري ژبه نه وي یا په خبر پورې اړونده نه وي، نه خپریږي.