Share/Save/Bookmark

کد مطلب :64745
تاریخ انتشار : جمعه 29 وری 1399 ساعت : 22:53:10

ایوانکا ټرمپ: د افغان روباټ جوړوونکیو ډلې هڅو حیرانه کړې یم

د امریکا د ولسمشر ډونالډ ټرمپ لور ایوانکا ټرمپ پر خپلې ټویټرپاڼې له افغان روباټ جوړوونکو نه مننه کړې چې د کورونا پر وړاندې مبارزه کې یې خپله ونډه اخیستې ده.

هغې لیکلي، ویاړم چې د دغو نجونو له ډلې سره څو ځله ګورم او د هغوی هڅو بېخي حیرانه کړې یم.

پنځه روباټ جوړوونکې نجونې چې له ۱۴ تر ۱۷ کلونو پورې عمر لري، د کورونا پر وړاندې د مبارزې له ډلې سره یوځای شوي او د تېزرفتاره موټر د ماشین له ټوټو نه یې د مصنوعي هوا وسیله جوړه کړې ده.

رویا محبوب د دغې ډلې بنسټ اېښودونکې ده. هغه وايي، له ځان او خپلې ډلې نه تمه لري چې د ټپي افغانستان لپاره نوې دروازې پرانېزي او د هېواد په بیارغونه او پرمختګ کې ونډه ولري.

نوموړې اوس خپل وخت د نیویارک او کابل ترمنځ تېروي او په افغانستان کې پر یوې نوې پروژې کار کوي.

د هغې په وینا، د روباټ جوړوونکو نور غړي هم پر سترو او کوچنیو پروژو کار کوي. یوې ډلې د زعفران راټولولو یوه دستګاه جوړه کړې او بلې یې د ماین‌پاکوونکو کار اسانه کړی دی.

ټاکل شوې وه د روباټ جوړوونکو ډلې نوې پروژه د سږ کال په جوزا میاشت کې پرانېستل شي، خو د کورونا ویروس خپرېدو د هغوی پر کار هم سیوری غوړولی دی.

په هېواد کې د کورونا ویروس له خپرېدو سره سم، د هرات والي وویل چې د دغه ولایت روغتونونو د مصنوعي هوا دستګاوو ته اړتیا لري. د روباټ جوړوونکو ډلې څو ورځې وروسته خبر ورکړ چې د مصنوعي هوا دستګاه یې جوړه کړې ده.

د رویا محبوب په وینا، یادې دستګاوې په استثنايي او بېړنیو حالاتو کې کارول کېږي او ډله یې پر داسې دستګاوو کار کوي چې په اتومات ډول کار وکړي.

هغه زیاتوي، د روباټ جوړوونکو ډله باید په ډله‌ییزه توګه کار وکړي، خو کورنۍ یې پر کورونا ویروس د هغوی د اخته کېدو په اړه اندېښنه لري.


  د افغان ایرکا خبري اژانس

• اړوند خبرونه:

• ستاسو آندونه

  • ستاسو را لیږل شوي آندونه او پيغامونه د افغان ایرکا خبر راټولونې له تائید وروسته په ویبسایټ کې خپریږي
  • د تور او تهمت پيغامونه نه خپریږي
  • هغه پیغامونه چې په پښتو او دري ژبه نه وي یا په خبر پورې اړونده نه وي، نه خپریږي.