Share/Save/Bookmark

کد مطلب :64770
تاریخ انتشار : پنج شنبه 4 غوایی 1399 ساعت : 18:08:10

ټرمپ د قطر له امير سره د طالبانو له لوري د تاوتريخوالي پر کمولو خبرې کړي

د امریکا ولسمشر ډونالډ ټرمپ په يوه ټلفوني اړيکه کې د قطر له امیر شیخ تمیم بن حمد الثاني سره د طالبانو له لوري افغانستان کې د تاوتريخوالي پر کمولو غږېدلی دی.

له سپینې ماڼۍ په خپره شوې خبرپاڼه کې راغلي چې دواړو لوريو د سولې د خبرو او د دواړو لوريو د بنديانو د خوشې کولو په اړه يې بحث کړی چې له مخې يې افغانستان کې سوله ټينګېږي.

دا په داسې حال کې ده چې افغان حکومت د کورنا ویروس د خپرېدو د مخنیوي په موخه له طالبانو څو ځلې وغوښتل چې اوربند وکړي.

په تېرو دوه اوونيو کې د ملي امنيت شورا هم طالبانو سره سولې ته رسېدو لپاره او د ملکيانو د وژنې د مخنيوي په موخه له طالبانو د اوربند غوښتنه کړې.

خو طالبانو تر اوسه پورې دې غوښتنې ته مثبت ځواب نه دی ورکړی.

حکومت د ولسمشر غني د فرمان له مخې تر اوسه پورې ۴۳۲ طالب بنديان خوشې کړې دي او طالبانو هم تر اوسه د دولت۶۰ بنديان خوشې کړې دي؛ خو امنيت شورا ويلي چې طالبانو هغه بنديان نه دي خوشې کړي کوم چې دوی نوملړ ورکړی دی.

تېره اوونۍ د امنيت شورا وياند جاوېد فیصل وويل چې د طالبانو له لوري خوشې بنديان ملکي کسان دي او يوازې ۱۹ يې امنيتي ځواکونه دي.

ټاکل شوې د دواړو لوريو د بنديانو له خوشې کولو وروسته بين‌الافغاني خبرې پيل شي.


  د افغان ایرکا خبري اژانس

• اړوند خبرونه:

• ستاسو آندونه

  • ستاسو را لیږل شوي آندونه او پيغامونه د افغان ایرکا خبر راټولونې له تائید وروسته په ویبسایټ کې خپریږي
  • د تور او تهمت پيغامونه نه خپریږي
  • هغه پیغامونه چې په پښتو او دري ژبه نه وي یا په خبر پورې اړونده نه وي، نه خپریږي.