Share/Save/Bookmark

کد مطلب :64814
تاریخ انتشار : شنبه 20 غوایی 1399 ساعت : 17:10:49

خلیلزاد بیا پاکستان ته تللی

د افغان سولې لپاره د امریکا ځانګړی استازی زلمی خلیلزاد تر قطر او هند وروسته تېره ورځ یو ځل بیا د پاکستان په لور تللی، او هلته یې د یاد هېواد د پوځ مشر قمر جاوید باجوه سره لیدلي.

ښاغلی خلیلزاد تېره ورځ ( جمعه غويي ۱۹ ) پاکستان کې د دې هېواد د پوځ مشر قمر جاوید باجوه سره د افغانستان د سولې په اړه خبرې کړې دي.

د پاکستان پوځ دفتر په یوې خبرپاڼه کې ویلي، چې زلمي خلیلزاد او د پاکستان پوځ مشر افغانستان کې د سولې پر بهیر  او سیمه ییز امنیت غږېدلي دي.

خلیلزاد له دې مخکې قطر کې د طالبانو د سیاسي دفتر مشر ملابرادر سره لیدنه کړې، او له طالبانو یې افغانستان کې د کرونا ویروس له امله د بشري اوربند غوښتنه کړې.

هغه ویلي، هماغسې چې د نړیوالې ټولنې غوښتنه ده، قطر کې مو طالب استازو سره په لیدنه کې د کرونا ویروس له امله د بشري اوربند غوښتنه وکړه.

خلیلزاد طالبانو سره لیدنه کې له دواړو ښکیلو غاړو د بندیانو د لاچټک آزادېدو غوښتنه کړې، او ژر تر ژره یې د بین الافغاني خبرو د پیل ټینګار کړی دی.


  د افغان ایرکا خبري اژانس

• اړوند خبرونه:

• ستاسو آندونه

  • ستاسو را لیږل شوي آندونه او پيغامونه د افغان ایرکا خبر راټولونې له تائید وروسته په ویبسایټ کې خپریږي
  • د تور او تهمت پيغامونه نه خپریږي
  • هغه پیغامونه چې په پښتو او دري ژبه نه وي یا په خبر پورې اړونده نه وي، نه خپریږي.