Share/Save/Bookmark

کد مطلب :64828
تاریخ انتشار : يکشنبه 21 غوایی 1399 ساعت : 17:47:34

د ایشچي زوی: دوستم ته دې د مارشال رتبه نه ورکول کېږي

د کابل حکومت د ولسي جرګې وکیل او د احمد ایشچي زوی «بکتاش ایشچي» عبدالله عبدالله ته په یوه لېږلي لیک کې دوستم ته د مارشالۍ رتبې له ورکړې سره مخالفت څرګند کړی.

د طلوع نیوز د راپور په اساس، بکتاش عبدالله عبدالله ته په لېږلي لیک کې نه یوازې دوستم ته د مارشالۍ رتبې له ورکړې سره مخالفت کړی، بلکې له سیاسي مقام څخه د دوستم د ګوښه کولو غوښتنه یې هم کړې.

احمد ایشچي، چې څو کاله وړاندې یې دعوه کړې وه، د دوستم له لوري په جنسي ډول ځورول شوی، زوی یې وایي، د مارشالۍ رتبه د هیواد معنویت ده او دوستم ددې رتبې په اخستلو غواړي له قضا او عدلي ارګانونو څخه خوندي شي « د قانون له پلوه، له سیاسي هوکړې سره د مارشالۍ رتبه شونې نه ده چې چا ته ورکړل شي. د مارشالۍ ربته د یوه هېواد معنویت دی.دوستم غواړي چې د ځان لپاره یو خوندیتوب رامنځته کړي چې هغه خوندیتوب د مارشالۍ رتبه ده.»

د ایشچي د زوی له لوري دغه اندېښنې داسې مهال دي ، چې د عبدالله او غني د سیاسي هوکړې په لړ کې دوستم د خپل ځان لپاره د مارشالۍ د رتبې غوښتنه کړې او ګوند یې په عبدالله غږ کړی، چې د توافق په صورت کې باید د دوستم واکونه هم مشخص کړي.

دوستم، چې د هیواد په شمال کې د نامسئوله ملېشو قوماندان دی، تر دې وړاندې د اشرف غني لومړی مرستیال وو او په تېر دور ټاکنو کې د عبدالله په ټاکنیزه ډله کې و.

نوموړی د بشري جنایتونو تر څنګ د احمد ایشچي په جنسي ځورونه هم تورن دی، او قضیه یې لا هم په عدلي ارګانونو کې ناحله پاتې ده.


  د افغان ایرکا خبري اژانس

• اړوند خبرونه:

• ستاسو آندونه

  • ستاسو را لیږل شوي آندونه او پيغامونه د افغان ایرکا خبر راټولونې له تائید وروسته په ویبسایټ کې خپریږي
  • د تور او تهمت پيغامونه نه خپریږي
  • هغه پیغامونه چې په پښتو او دري ژبه نه وي یا په خبر پورې اړونده نه وي، نه خپریږي.