Share/Save/Bookmark

کد مطلب :64861
تاریخ انتشار : پنج شنبه 1 غبرګولی 1399 ساعت : 23:26:39

د سولې په اړه له ولسمشرغني او عبدالله سره د خلیلزاد خبرې

افغان سولې لپاره د امريکا  د بهرنیو چارو وزارت ځانګړي استازي زلمي خليلزاد کابل ته په خپل سفر کې له ولسمشر محمد اشرف غني او د مصالحې شورا له رييس عبدالله عبدالله سره ليدلي دي.

ولسمشرۍ ماڼۍ وايي، په دې ليدنه کې چې ارګ کې شوې دواړو لوريو د سولې خبرو وروستيو ګامونو په اړه خبرې کړي. نوموړی تېره ورځ وروسته له غرمې کابل ته راغلی دی.

له ارګه په خپره شوې خبرپاڼه کې راغلي چې دواړو لوريو د بین‌الافغاني خبرو له پيل وړاندې د اوربند او یا اورکم پر موضوع ټینګار وکړ.

د خبرپاڼې له مخې زلمي خلیلزاد ويلي چې د اوربند موضوع به له طالبانو سره مطرح کړي.

همداراز دواړو لوريو د بنديانو د خوشې کولو په اړه هم خبرې کړي دي. د ارګ خبرپاڼه زياتوي چې د افغانستان حکومت او طالبان په دې برخه کې په یو واضح او معقول میکانيزم چې د دواړو لوریو د تخنیکي ټیمونو له لوري رامنځته او دواړو لوریو ته د منلو وړ وي، هوکړې ته ورسېږي.

د افغانستان حکومت د کابل او ننګرهار له خونړیو بريدونو وروسته د طالب بندیانو د خوشي کولو بهیر ودراوه.

د ملي امنيت شورا ويلي تر هغه چې طالبان ۲۰۰ بندي امنيتي ځواکونه خوشې نه‌کړي، د طالب بنديانو د خوشې کولو بهير به ځنډېدلی وي.


  د افغان ایرکا خبري اژانس

• اړوند خبرونه:

• ستاسو آندونه

  • ستاسو را لیږل شوي آندونه او پيغامونه د افغان ایرکا خبر راټولونې له تائید وروسته په ویبسایټ کې خپریږي
  • د تور او تهمت پيغامونه نه خپریږي
  • هغه پیغامونه چې په پښتو او دري ژبه نه وي یا په خبر پورې اړونده نه وي، نه خپریږي.