Share/Save/Bookmark

کد مطلب :64862
تاریخ انتشار : پنج شنبه 1 غبرګولی 1399 ساعت : 23:28:04

ملابرادر سره د زلمي خلیلزاد ليدنه: ټولې خواوې بايد تاوتریخوالی کم کړي

افغان سولې لپاره د امریکا د بهرنيو چارو وزارت ځانګړی استازی زلمی خلیلزاد وايي، په قطر کې یې د طالبانو د سیاسي دفتر مشر ملاعبدالغني برادر سره ليدنه کې ټينګار کړی له طالبانو سره د امریکا تړون یو بل سره تړلی دی.

خلیلزاد نن د شنبې په ورځ څو پرلپسې ټویټونو کې ویلي چې قطر کې یې د طالبانو د سیاسي دفتر مشر ملا برادر سره درې مهمې غونډې کړې دي. نوموړي ويلي، د ترهګرۍ پرضد ژمنې، بین‌الافغاني مذاکرات، د بهرنيو ځواکونو وتل او د تاوتريخوالي کمول چې د اوربند ته لار هواره کړي، خبرې وشوې.

خلیلزاد لیکلي چې ټولې خواوې دې تاوتریخوالی کم کړی، ځکه د روانې جګړې بیه مودو راهیسې بې‌ګناه افغانان ورکوي.

زلمي خلیلزاد همدارنګه ویلي چې طالبانو د هوکړې پلي کولو ته ژمنتیا ښودلې ده.

په داسې حال کې ده چې قطر کې د طالبانو د سیاسي دفتر ویاند سهیل شاهین وايي، د دغې ډلې د قطر دفتر مشر ملا برادر زلمي خلیلزاد سره د سولې خبرو پر چټکتیا بشپړې خبرې کړې دي.

شاهين پر خپله ټوېټر پاڼه ليکلي چې د افغاستان د مسلې حل امریکا سره د سولې هوکړې بشپړ تطبیق کې دی او د سولې پروسه کې تر دې زیات ځنډ راوستل دغه بهیر ته لا ډېر زیان رسولی شي.

سهیل شاهین زیاتوي چې د بندیانو خلاصون د بین‌الافغاني خبرو پیل ته زمینه برابروي.

د یادونې وړ ده چې زلمي خلیلزاد تېره ورځ ولسمشر غني او د مصالحې شورا مشر عبدالله عبدالله سره هم لیدلي او د سولې بهیر کې یې د راتلونکيو ګامونو په اړه خبرې کړې دي.


  د افغان ایرکا خبري اژانس

• اړوند خبرونه:

• ستاسو آندونه

  • ستاسو را لیږل شوي آندونه او پيغامونه د افغان ایرکا خبر راټولونې له تائید وروسته په ویبسایټ کې خپریږي
  • د تور او تهمت پيغامونه نه خپریږي
  • هغه پیغامونه چې په پښتو او دري ژبه نه وي یا په خبر پورې اړونده نه وي، نه خپریږي.