Share/Save/Bookmark

کد مطلب :64974
تاریخ انتشار : يکشنبه 1 چنګاښ 1399 ساعت : 18:22:24

د کورونا واکسینونه په وروستیو پړاونو کې دي

د چین یوې کمپنۍ هم ویلي چې ممکنه ده د سږ کال تر مني پورې د کورونا واکسین جوړ کړي.

د کورونا وایرس د خپرېدو له هماغه پیله د دې وبا د مخنیوي لپاره د درملو او یا واکسین د جوړېدو هڅې کېږي.

د بریتانیا او سویډن د درمل جوړولو یوې کمپنۍ ویلي د کورونا واکسین ازمېښت یې پیل کړی دی.

د استرازنکا کمپنۍ یوه مشر پاسکال سوریوت وویل چې پر انسان د دې واکسین د ازمېښت درېم پړاو یې په بریتانیا کې پیل کړی دی.

ده ویلي چې دا واکسین به ښايي انسان ته د یوه کال لپاره د کورونا وایرس په وړاندې مصونیت ورکړي.

د بریتانیا اکسفورډ پوهنتون په دې واکسین څېړنه کوي.

خو استرازنکا کمپنۍ وايي چې که د دوی له لوري پیل شوي ازمېښتونه بریالي شول، واکسین به د اګست یا سپټمبر په میاشت کې راوباسي.

د چین یوې کمپنۍ هم ویلي چې ممکنه ده د سږ کال تر مني پورې د کورونا واکسین جوړ کړي.

د اې بي سي نیوز د راپور له مخې، د  کمپنۍ یو اجرايي مشر وايي چې پر انسان د واکسین د ازمېښت وروستی پړاو به تر مني پورې بشپړ کړي.


  د افغان ایرکا خبري اژانس

• اړوند خبرونه:

• ستاسو آندونه

  • ستاسو را لیږل شوي آندونه او پيغامونه د افغان ایرکا خبر راټولونې له تائید وروسته په ویبسایټ کې خپریږي
  • د تور او تهمت پيغامونه نه خپریږي
  • هغه پیغامونه چې په پښتو او دري ژبه نه وي یا په خبر پورې اړونده نه وي، نه خپریږي.