Share/Save/Bookmark

کد مطلب :65112
تاریخ انتشار : پنج شنبه 9 زمری 1399 ساعت : 19:59:07

د اوربند غځېدل او د مذاکراتو پیل؛ له غني او عبدالله سره د خلیلزاد د بحث موضوع

د سولې لپاره د امریکا د بهرنیو چارو وزارت د ځانګړي استازي زلمي خلیلزاد د سفرونو په تازه لړۍ کې، ولسمشرۍ ماڼۍ د یوې خبرپاڼې په خپرولو سره ویلي چې ولسمشر محمداشرف غني له زلمي خلیلزاد سره لیدلي او د دواړو لوریو د بین‌الافغاني خبرواترو په اړه بحث کړی دی.

د ارګ په خبرپاڼه کې لیکل شوي چې یاده ناسته بېګاه ماښام د ملي مصالحې شورا عبدالله عبدالله په ګډون شوې ده.

د خبرپاڼې له مخې، له خلیلزاد سره د ولسمشر د بحث موضوع د اوربند غځېدل، د تاوتریخوالي کموالی، د دولت او طالبانو ترمنځ د مخامخ خبرواترو پیل او د بندیانو تبادله وه.

د ملي مصالحې شورا هم په یوه خبرپاڼه کې لیکلي چې عبدالله او خلیلزاد په یاده ناسته کې د بندیانو د تبادلې پروسې د پای ته رسېدو، اوربند او د مخامخ خبرواترو د پیل په اړه خبرې کړې دي.

یادې شورا ویلي چې دواړو لوریو د دولت او طالبانو له لوري د درې ورځني اوربند د هرکلي ترڅنګ، هیله‌مندي ښودلې چې تاوتریخوالی باید د سولې خبرواترو له پیل وړاندې کم شي.

دولت او طالب ډلې د لوی اختر په درې ورځو کې اوربند کړی دی. تر اوسه روښانه ده چې دغه اوربند به نور هم وغځېږي که‌ نه.


  د افغان ایرکا خبري اژانس

• اړوند خبرونه:

• ستاسو آندونه

  • ستاسو را لیږل شوي آندونه او پيغامونه د افغان ایرکا خبر راټولونې له تائید وروسته په ویبسایټ کې خپریږي
  • د تور او تهمت پيغامونه نه خپریږي
  • هغه پیغامونه چې په پښتو او دري ژبه نه وي یا په خبر پورې اړونده نه وي، نه خپریږي.